«بىرقاتار وڭىرلەردە جاۋىن-شاشىن بولدى, سونىڭ سالدارىنان وزەندەر تولىپ, سۋى ارناسىنان استى, ەلدى مەكەندەردى سۋ باسۋ قاۋپى تۋدى, اقمولا, اقتوبە, شىعىس قازاقستان, قاراعاندى, قوستاناي, پاۆلودار جانە سولتۇستىك قازاقستان وبلىستارىندا جولدار شايىلدى. ادامداردىڭ قازا بولۋىنا جول بەرمەۋ ماقساتىندا سۋ استىندا قالعان ايماقتارداعى ەلدى مەكەندەردەن الدىن الا 4 715 ادام ەۆاكۋاتسيالاندى, ولار اقمولا وبلىسى بويىنشا – 1 340, شىعىس قازاقستان وبلىسى بويىنشا – 52, جامبىل وبلىسى بويىنشا – 55, قاراعاندى وبلىسى بويىنشا – 1 850, قوستاناي وبلىسى بويىنشا – 200, اقتوبە وبلىسى بويىنشا – 1 174, سولتۇستىك قازاقستان وبلىسى بويىنشا 44 ادامدى قۇرادى. سونىڭ ىشىندە 860 ادام ءۇيلەرىنە ورالدى, 3 167 ادام تۋىستارىنىڭ ۇيلەرىنە ورنالاستىرىلدى, قالعان 688 ادام ەۆاكۋاتسيالاۋ پۋنكتىندە قالدى. ەلدى مەكەندەردەن 5 598 باس مال قاۋىپسىز جەرگە ايدالدى, سونىڭ ىشىندە 2 195-ءى اۋلالارىنا قايتارىلدى. قازىرگى ۋاقىتتا توتەنشە جاعدايلار ايماقتارىندا 1 987 قۇتقارۋشى, ۇلتتىق ۇلاننىڭ اسكەري قىزمەتشىلەرى, جەرگىلىكتى اتقارۋشى ورگاندار مەن جەرگىلىكتى پوليتسيا قىزمەتكەرلەرى, 605 بىرلىك تەحنيكا اۆاريالىق-قۇتقارۋ جانە شۇعىل جۇمىستاردى جۇرگىزۋدە», – دەدى ۆيتسە-مينيستر.
يۋ.يلين, سونداي-اق, سۋ تاسقىنى كەزەڭىنىڭ باسىنان بەرى ءىىم ءبولىمشەلەرى مەن جەرگىلىكتى اتقارۋشى ورگاندار 22 شاقىرىم ۋاقىتشا بوگەن تۇرعىزىپ, 119 مىڭنان استام قاپقا قۇم سالىنعانىن جانە توسەلگەنىن, 643 مىڭنان استام تەكشە مەتر ەرىگەن قار سۋى سورىپ الىنعانىن اتاپ كورسەتتى. توتەنشە جاعدايلار سۋ الۋ قاۋپى مەن ولاردىڭ تۋىنداۋىنا جەدەل دەن قويۋ ماقساتىندا ءىىم سۋ تاسقىنى كۇردەلەنە تۇسكەن جاعدايدا الدىن الا 12 471 ادام, 1 955 بىرلىك تەحنيكا, 19 تىكۇشاق, 302 بىرلىك ءجۇزۋ قۇرالى بار كۇشتەر مەن قۇرالدار توپتارىن قۇرعانى دا كولدەنەڭ تارتىلدى. «حالىقتى ەۆاكۋاتسيالاۋ پۋنكتتەرى دايىندالدى. بارلىق وڭىرلەردە ءتوتەنشە جاعدايلاردى جويۋ كەزىندەگى ءىس-قيمىلدار جوسپارلارى ازىرلەندى, سۋ تاسقىنى كەزەڭىندەگى ءوزارا ءىس-قيمىلدار جوسپارلارى ءتۇزىلدى. توتەنشە جاعدايلار كوميتەتىندە جانە ونىڭ 6 اۋماقتىق بولىمشەسىندە سۋ تاسقىنىنىڭ سالدارىن جويۋ جەدەل شتابتارى قۇرىلدى, ولار تاۋلىك بويى قىزمەت اتقارادى», – دەدى ۆيتسە-مينيستر.
جۇرگىزىلگەن تالداۋعا سايكەس, اقمولا, قاراعاندى جانە جامبىل وبلىستارىنداعى سۋ قويمالارىنا تاسقىن جانە ەرىگەن قار سۋى تولاسسىز اعىپ كەلۋىنە بايلانىستى كەيبىر ەلدى مەكەندەردى سۋ الىپ, اۆتوجولداردى سۋ شايعان بولاتىن. اتالعان جاعدايعا بايلانىستى ءىىم توتەنشە جاعدايلار كوميتەتىنىڭ «قازاۆياقۇتقارۋ» اق تىكۇشاعىن قولدانا وتىرىپ, استانا قالاسىنىڭ, اقمولا, شىعىس قازاقستان, قاراعاندى, قىزىلوردا, قوستاناي, پاۆلودار جانە سولتۇستىك قازاقستان وبلىستارىنىڭ اۋماعىن اۋەدەن بارلاۋ جۇمىستارى جۇرگىزىلگەن.
«اقمولا, قوستاناي, اقتوبە, قاراعاندى, سولتۇستىك قازاقستان وبلىستارىنىڭ توتەنشە جاعداي دەپارتامەنتتەرىندە «قاۋىرت جەلى» تەلەفوندارى جۇمىس ىستەيدى, ولار بويىنشا حالىق قاجەتتى اقپاراتتار الا الادى. قالىپتاسقان جاعدايعا بايلانىستى قاراعاندى وبلىسىنىڭ بۇقار جىراۋ جانە اباي اۋداندارى مەن اقتوبە قالاسىنىڭ اكىمدەرى ءوز اۋماقتارىندا تابيعي سيپاتتاعى توتەنشە جاعدايلار تۋىنداعانى تۋرالى جاريالادى. وزەندەردەگى سۋ دەڭگەيىنە تاۋلىك بويى مونيتورينگ جۇرگىزىلۋدە جانە حالىقپەن جيىندار وتكىزىلۋدە, ولارعا قالىپتاسقان جاعداي تۋرالى اقپاراتتار بەرىلىپ جاتىر. الەۋمەتتىك جەلىلەر, تەلەديدار ارقىلى حالىقتى قۇلاقتاندىرۋ ۇيىمداستىرىلۋدا. ورتالىق جانە سولتۇستىك وڭىرلەردە سۋ تاسقىنى كەزەڭىنىڭ قاۋىپسىز ءوتۋىن جانە ولاردان كەلەتىن تەرىس سالداردى ازايتۋدى قامتاماسىز ەتۋ ماقساتىنداعى جۇمىستار جالعاسۋدا», – دەدى سوڭىندا يۋ.يلين.
راۋان قايدار,
«ەگەمەن قازاقستان»