- ءبىز الەمدىك قورىقشىلاردىڭ تاجىريبەسىن قولدانامىز, مىسالى, اقش-تاعى يەللوۋستوۋن پاركى, - دەدى «بۇيراتاۋ» ۇلتتىق پاركىنىڭ تەريزم جانە ەكولوگيالىق اعارتۋ ءبولىمى باسشىسىنىڭ مىندەتىن اتقارۋشى جىبەك ىبراەۆا. – قازىرگى كەزدە ورىندىقتار مەن قوقىس جاشىكتەرى ورناتىلىپ, پاركتىڭ مارشرۋتى جاسالۋدى. ءسافاريدىڭ اشىلۋى ەكسپو كورمەسىنە ورايلاستىرىلماق.
كەلۋشىلەر, بۇعى, ارقار, اقبوكەن, بيزون, ياك, مارال, سۇر تىرنا, سارشۇناق, سۋىر, قۇر مەن باسقا دا قىزىل كىتاپقا ەنگىزىلگەن اڭ-قۇستاردى تاماشالاي الادى. جانۋارلاردى كورۋگە جانە فوتوسۋرەتكە تۇسىرۋگە عانا رۇقسات ەتىلەدى. ۇلتتىق پاركتە اڭ اۋلاۋعا تىيىم سالىنادى.
بۇگىندە «بۇيراتاۋ» قورىعىنا اباي كوشەسى, 13 مەكەنجايى بويىنشا مولودەجنىي اۋىلىنداعى كەڭسەدە باج تولەپ جانە بيلەت ساتىپ الىپ بارۋعا بولادى. نەمەسە بىردەن ۇلتتىق پارككە كەلۋگە بولادى. پارك اۋماعىنا كىرەبەرىستە ورنالاسقان وتكىزۋ بەكەتتەرىندە تۋريستەرگە نۇسقاۋلىق بەرىلەدى. قورىق ايماعىندا ءبىر تاۋلىك بولعان ءۇشىن ءبىر ادام ءبىر مىڭ تەڭگە تولەيدى. بۇل باعاعا پاركتى ارالاۋعا, تۋريستىك سوقپاقتارمەن جۇرۋگە, جانۋارلاردى كورىپ, پالاتالىق قالاشىق ورناتىپ, بوزايعىر مەن ءاجىباي وزەندەرىندە قارماقپەن بالىق اۋلاۋعا, سونداي-اق, ارحەولوگيالىق قازبا ورىندارىن تاماشالاۋعا بولادى. عالىمدار پارك اۋماعىندا VI-VII عع. ساق مادەنيەتىنىڭ ەسكەرتكىشتەرىن تاپتى.