ەلباسىمىز نۇرسۇلتان نازارباەۆتىڭ جەتەكشىلىگىمەن ەلىمىزدىڭ بولاشاعىن ايقىندايتىن ناقتى ماقساتىمىزدى انىقتادىق, ول – الەمدەگى ەڭ دامىعان 30 ەلدىڭ قاتارىنا كىرۋ.
كەشە عانا ەلباسىمىزدىڭ «بولاشاققا باعدار: رۋحاني جاڭعىرۋ» تاقىرىبىنداعى ماقالاسى جارىققا شىقتى. قازاقستان جاستارى بۇل ماقالانىڭ ناقتى بىزگە باعىتتالعانىن اڭعارا وتىرىپ, پرەزيدەنتىمىز نۇرسۇلتان ءابىش ۇلى نازارباەۆتىڭ ماقالاسى جايىندا ءوز پىكىرىمىزبەن ءبولىسۋدى ۇيعاردىق.
ءبىزدىڭ انىق تۇسىنگەن ەڭ ءبىرىنشى ماسەلە – «قوعامنىڭ ساناسىن جاڭعىرتۋدىڭ باعىتتارى» مەن «تاياۋ جىلدارداعى مىندەتتەردىڭ» بىزگە, جاس بۋىن وكىلدەرىنە ارنالعانى, سەبەبى, قازىرگى جاستار – ەڭ جوعارعى قۇندىلىق – ادامي كاپيتال سانالاتىن تەحنولوگيالار عاسىرىنىڭ زامانداستارى. ساپالى ءبىلىم مەن داعدىلار كەلەسى ونجىلدىقتاردىڭ ەڭ ماڭىزدى قۇندىلىقتارى بولماق جانە ءار ادام مىندەتتى تۇردە قابىلەتتەرىنە ساي ءادىل باعالانىپ, قوعامداعى ءوز ورنىن تاباتىن بولادى.
ەلباسىمىزدىڭ «ءاربىر قازاقستاندىق, سول ارقىلى تۇتاس ۇلت ححI عاسىرعا لايىقتى قاسيەتتەرگە يە بولۋ كەرەك. مىسالى, كومپيۋتەرلىك ساۋاتتىلىق, شەت تىلدەرىن ءبىلۋ, مادەني اشىقتىق سياقتى فاكتورلار اركىمنىڭ العا باسۋىنا ءسوزسىز قاجەتتى العىشارتتاردىڭ ساناتىندا» دەگەن سوزدەرىمەن كەلىسەمىز, ءويتكەنى, ول – ءسوزسىز شىندىق. اتالعان قاسيەتتەردى دامىتۋ جانە وزگە ەلدەرمەن تاتۋ بولۋ ۇلت پەن جەكە ادامداردىڭ الەمدىك ساحناداعى ساتتىلىك كەپىلى بولىپ تابىلادى.
ءبىز تاپتاۋرىندار, ياعني ستەرەوتيپتەرگە ەرۋدى توقتاتۋعا دايىنبىز, ويتكەنى ءبىزدىڭ عاسىرىمىز – جاڭا ءداۋىر بولىپ تابىلادى. بۇل داۋىردە ءبىز ءۇشىن ەسكىنىڭ تەك ەڭ جاقسىسى قۇندى بولىپ, بارلىق ءتيىمسىز ءارى ءمانسىز قاعيدالار وتكەننىڭ ەنشىسىندە قالۋى قاجەت. ءبىز – كەزىندە ساياسي ماقساتتاردا ەلىمىزگە جاساندى تۇردە ەنگىزىلگەن تاپتاۋرىنداردى ەستى تۇردە ورىندىلىق پەن قيسىنسىزدىعىنا قاراي ساراپتاي الاتىن جاس بۋىنبىز.
ماقالاسىندا نۇرسۇلتان ءابىش ۇلى وتكەن جۇزجىلدىقتىڭ ورتاسىنا دەيىن عاسىرلار بويى ءبىزدىڭ حالقىمىزدىڭ «تۋعان جەردىڭ تابيعاتىن كوزدىڭ قاراشىعىنداي ساقتاپ, ونىڭ بايلىعىن ۇنەمدى, ءارى ورىندى جۇمسايتىن تەڭدەسى جوق ەكولوگيالىق ءومىر سالتىن ۇستانىپ كەلگەنىن» ەسىمىزگە تۇسىرەدى. ءبىز پرەزيدەنتتىڭ اتا-بابالارىمىزدىڭ قاراپايىمدىلىق جانە ۇنەمدىلىك قاسيەتتەرىن قايتا قالپىنا كەلتىرۋ قاجەت دەگەن ويىمەن كەلىسەمىز. قازىرگى قوعامىمىزعا ىسىراپشىلدىق, داڭعويلىق, ءسان-سالتاناتقا ۇمتىلىس ءتان ەكەنى راس. بۇل قاسيەتتەردەن ارىلىپ, ۇستامدىلىق پەن ۇنەمشىلدىكتى ۇيرەنۋىمىز كەرەك دەگەن دە راس.
قوعامىمىزدا ەلباسى جازعان ايماقتارعا ءبولىنۋ قاسيەتى بارى دا شىندىق. ءبىزدىڭ ۇلى اتا-بابالارىمىز حالقىمىز ايماقتار مەن رۋلارعا مىنەز, ادەتتەرگە ءبولىنسىن دەپ ەمەس, تەرريتوريامىزدىڭ ءبىرتۇتاستىعىن ساقتاۋ ءۇشىن جانە ۇلتىمىزدىڭ ساۋلىعى ءۇشىن بولگەن. جەرىمىز بۇگىنگى كۇندە ءبىزدىڭ ەلدىك جانە كونستيتۋتسيامىزبەن قورعالعان بولسا, ۇلت ساۋلىعىن ساقتاۋ ءۇشىن اتا-بابالارىمىزدىڭ بيولوگيالىق زاڭدار تۋرالى دانالىعىن ەستە ۇستاپ, ءبىلىمىمىزدى بابالارىمىز سەكىلدى كەمەڭگەرلىكپەن قولدانعانىمىز ابزال. ايماقارالىق تاپتاۋرىنداردى وتكەننىڭ ەنشىسىنە قالدىرايىق, ويتكەنى, ءبارىمىز دە ءبىرتۇتاس قازاقستان شاڭىراعىنىڭ ءبىر ۇلتى بولىپ تابىلامىز.
ءبىز – جاسپىز, بىراق جاسىمىزعا قاراماستان, ەلىمىزدەگى ەۆوليۋتسيالىق وزگەرىستەردىڭ بارلىعى, اسىرەسە, ءبىلىم بەرۋ سالاسىنداعى جاڭالىقتار, جوعارى بۋىن وكىلدەرىنە رەۆوليۋتسيا بولىپ كورىنۋى ءمۇمكىن ەكەنىن اڭعارامىز. بىراق قازىرگى زامان – جىلدام اعىس, جۇيرىك وزگەرىستەر, شاپشاڭ شەشىمدەر قابىلداۋ ۋاقىتى. ءبىز مۇنى تۇسىنەمىز. ءبىزدىڭ ەۆوليۋتسيا XXI عاسىردىڭ قارقىندى ەكپىنىنە ساي جۇزەگە اسىرىلۋدا. بولاشاققا قورقىنىشپەن قاراپ, كۇتىپ قانا وتىراتىندار ۇتىلادى. ينتەنسيۆتى وزگەرىستەر زامانىندا تەك ىستەر ماڭىزدى.
ەلباسىمىز ۇسىنعان جوسپارلاردىڭ پراگماتيكالىق تيىمدىلىگى لاتىن الىپبيىنە اۋىسۋ ماسەلەسىندە دە كورىنىس تابادى. مۇنداي قادام بىزگە ۇزاق مەرزىمدى مۇددەمىزدە ءتيىمدى: بىرىنشىدەن, ەكونوميكالىق جاعىنان, ال ەكىنشىدەن, لاتىن الىپبيىندەگى تاۋارلاردىڭ كيريلليتساداعى بالاماسىن جاساۋعا جۇمسايتىن ۋاقىتتى ۇنەمدەۋ تاراپىنان.
ۇلتتىق سانانى جاڭعىرتۋمەن قاتار, «جاھانداعى زاماناۋي قازاقستاندىق مادەنيەت» جوباسىن قولداماۋ – اقىلسىزدىق بولار ەدى. ءبىز بار الەم قازاقستاندى جىلدام دامىپ كەلە جاتقان مەملەكەت رەتىندە عانا ەمەس, جوعارى ساپالى ادامي كاپيتال جانە ەڭ باي تاريحى بار الدىڭعى قاتارلى مەملەكەت رەتىندە ءبىلۋى ءتيىس دەپ ويلايمىز.
ءۇشىنشى جاڭعىرتۋ كەزەڭىندەگى قازاقستان – ادامداردى ەڭبەك, ءبىلىم جانە دارىندىلىعىنا ساي باعالايتىن مەملەكەت.
ءبىز ەلباسىمىز نۇرسۇلتان نازارباەۆتىڭ زامان تالاپتارىن كورەگەندىكپەن ايقىنداۋ قاسيەتىنە ريزامىز! پرەزيدەنتتىڭ دامۋ جولىنداعى ناقتى ءارى انىق باعىتتاردى ۇسىنعانىنا العىسىمىزدى بىلدىرەمىز.
ءبىز جاڭعىرتىلعان ۇلتتىق سانا يدەياسىن جانە ەلباسى ماقالاسىنداعى جوبالاردىڭ جۇزەگە اسىرىلۋىن قولدايمىز!
جاستار, ءبىز, ەلىمىزدىڭ بولاشاعى ءۇشىن جاۋاپكەرشىلىكتىڭ تەك ءوزىمىزدىڭ موينىمىزدا ەكەنىن بىلەمىز, سوندىقتان قازاقستان جاستارى الەمگە مىقتى ءارى جاۋاپكەرشىلىگى جوعارى ءبىرتۇتاس ۇلتتى كورسەتۋگە دايىن ەكەنىن مالىمدەيمىز!
قازاقستان رەسپۋبليكاسى بويىنشا 100-دەن اسا جاستار ۇيىمدارىن بىرىكتىرەتىن
«قازاقستان جاستارىنىڭ كونگرەسى» زاڭدى تۇلعالار بىرلەستىگى