بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋى مۇمكىن. رەسپۋبليكانىڭ كەي جەرلەرىندە تۇمان ءتۇسىپ, ەكپىندى جەل سوعادى. بۇل تۋرالى قر ءىىم تجك ءباسپاسوز قىزمەتى حابارلايدى.
جامبىل وبلىسىندا جەلدىڭ جىلدامدىعى 15-20 م/س بولادى, كۇندىز جەلدىڭ ەكپىنى 23 م/س-عا دەيىن كۇشەيۋى ىقتيمال, كەي جەرلەرىندە تۇمان تۇسەدى. سولتۇستىك قازاقستان وبلىسىندا جەلدىڭ جىلدامدىعى 15-20 م/س بولادى, كۇندىز جەلدىڭ ەكپىنى 25 م/س, تۇندە كەي جەرلەرىندە تۇمان تۇسەدى. اقمولا, قىزىلوردا, پاۆلودار, شىعىس قازاقستان, قوستاناي, وڭتۇستىك قازاقستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س-عا دەيىن كۇشەيەدى. شىعىس قازاقستان, قوستاناي وبلىستارىنىڭ كەي جەرلەرىندە تۇمان, وڭتۇستىك قازاقستان وبلىسىنىڭ جەكەلەگەن اۋداندارىندا نايزاعاي كۇتىلەدى. اقتوبە, قاراعاندى, تۇندە الماتى وبلىستارىنىڭ كەي جەرلەرىندە تۇمان كۇتىلەدى.