مەملەكەت باسشىسى كەزدەسۋدە پارتيانىڭ 2016 جىلعى قىزمەتىنىڭ قورىتىندىلارى جونىندەگى ەسەپتى تىڭداپ, الداعى كەزەڭگە ارنالعان جۇمىس جوسپارلارىمەن تانىستى.
نۇرسۇلتان نازارباەۆقا جالپىۇلتتىق كۇن تارتىبىندەگى ماڭىزدى اسپەكتىلەردى ىسكە اسىرۋ شارالارى, سونداي-اق ەل دامۋىنىڭ باستى باعىتتارى جونىندە جۇرتشىلىقتى حاباردار ەتۋ ماسەلەلەرى تۋرالى باياندالدى.
م.قۇل-مۇحاممەدتىڭ مالىمەتى بويىنشا, پارتيا قۇرىلىمدارىنا ارىز-شاعىممەن جۇگىنگەن ازاماتتار سانى 2015 جىلمەن سالىستىرعاندا 30%-عا ارتقان. 2016 جىلى 283 مىڭنان استام ءوتىنىش كەلىپ تۇسكەن, قازىر ونىڭ 92%-ى وڭ شەشىمىن تاپتى.
سونداي-اق, ەلباسىنا پارتيا وكىلدەرىنىڭ وڭىرلەردەگى جۇرتشىلىقپەن كەزدەسۋلەرىنىڭ قورىتىندىلارى جانە كۇندەلىكتى قىزمەت بارىسىندا قولدانىلاتىن پارتيا جۇمىسىنىڭ جاڭا فورماتى جونىندە مالىمەت بەرىلدى.