شارانى شىۇ حاتشىلىعى مەن قحر-داعى قر ەلشىلىگى ۇيىمداستىردى. وعان بەيجىڭدە جۇمىس ساپارىمەن جۇرگەن استانا اكىمى اسەت يسەكەشوۆ پەن شىۇ-عا مۇشە مەملەكەتتەر ديپلوماتتارى قاتىستى.
«ءبىز شىۇ ءسامميتىن قابىلداعان توراعالىق ەتۋشى مەملەكەت استاناسىنىڭ تۇساۋكەسەرىن العاش رەت جاساپ وتىرمىز. بۇل ءبىز ءۇشىن ەرەكشە وقيعا, سونىمەن بىرگە الدا تاريحي وقيعا كۇتىپ تۇرعاندىقتان, بۇل ءبىزدى ەكى ەسە تولقىتادى. استانادا 12 جىل بۇرىن ءۇندىستان مەن پاكىستان شانحاي ىنتىماقتاستىق ۇيىمىنا باقىلاۋشى رەتىندە قابىداندى. بيىل وسى ەكى ەل تولىققاندى مۇشە بولادى دەپ كۇتىپ وتىرمىز», - دەدى كىرىسپە سوزىندە شىۇ باس حاتشىسى راشيد ءاليموۆ.
ول وتكەن اپتادا استاناعا كەلگەنىن ەسكە سالدى.
«بۇل عالامشار بويىنشا الەمدىك استانالار القاسىنىڭ جارقىن ءىنجۋى دەپ اتاۋعا بولاتىن وتە ادەمى, جىلى, قوناقجاي, جارقىن قالا ەكەنىن ايتقىم كەلەدى», - دەدى ديپلومات.
ءوز سوزىندە استانا اكىمى اسەت يسەكەشەۆ شىۇ سامميتىنە جانە ەكسپو-2017 كورمەسىنە دايىندالىپ جاتقانىن, ال قحر-داعى قر ەلشىسى ش. نۇرىشەۆ - شىۇ-دا قازاقستاننىڭ توراعالىق ەتۋى تۋرالى ايتتى.