بۇگىن اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە جاڭبىر جاۋادى. وڭتۇستىكتە نايزاعاي ويناپ, تەك سولتۇستىك-شىعىس جانە وڭتۇستىك-شىعىس ايماقتارىندا جاۋىن-شاشىنسىز اۋا رايى ساقتالادى.
رەسپۋبليكانىڭ كەي جەرلەرىندە تۇمان ءتۇسىپ, جەلدىڭ كۇشەيۋى, كۇندىز سولتۇستىكتىڭ باسىم بولىگىندە, وڭتۇستىكتە شاڭدى داۋىل كۇتىلەدى.
قوستاناي, سولتۇستىك قازاقستان, اقمولا وبلىستارىندا تۇندە كەي جەرلەرىندە جەل 15-20, كۇندىز باسىم بولىگىندە جەل ەكپىنى 15-22 م/س كۇشەيەدى.
ماڭعىستاۋ, اتىراۋ, باتىس قازاقستان, اقتوبە, قىزىلوردادا, كۇندىز وڭتۇستىك قازاقستان, پاۆلودار,قاراعاندى وبلىستارىنىڭ كەي جەرلەرىندە جەل 15-20 م/س كۇشەيۋى كۇتىلەدى.
قىزىلوردا وبلىسىندا شاڭدى داۋىل سوعادى.
جامبىل, شىعىس قازاقستان وبلىستارىنىڭ تۇندە كەي جەرلەرىندە تۇمان ءتۇسىپ, كۇندىز جامبىل وبلىسىنىڭ كەي جەرلەرىندە جەل تۇرادى دەپ بولجانۋدا.