التىنشى تۋرداعى ايشىقتى جەڭىس پاۆلوداردا تۋ تىكتى. جەرگىلىكتى «ەرتىس» كلۋبى «تاراز» كومانداسىن تاس-تالقان ەتىپ ۇتتى دا, تۋرنير كەستەسىندە جەكە-دارا كوش باستادى. بۇل ماتچتا جەتى گول سوعىلدى: ونىڭ بەسەۋى – پاۆلودارلىقتاردىڭ ەنشىسىندە.
كۇننەن-كۇنگە ەل چەمپيونى «استانانىڭ» قارقىنى ۇدەپ كەلەدى. ەلوردالىق كلۋب وسىمەن قاتارىنان ءتورتىنشى جەڭىسىنە قول جەتكىزىپ, «ەرتىستەن» كەيىنگى ەكىنشى ورىنعا جايعاستى. بۇل جولى ولار ازۋلى كلۋب «اقتوبەنى» سىرت الاڭدا 3:0 ەسەبىمەن ويسىراتا ۇتتى. تۋرنير كەستەسىندە «استانانىڭ» كوش باستاۋشى «ەرتىستەن» ءبىر ويىنى كەم ەكەنىن ەسەپكە الساق, كىمنىڭ ۇپايى تۇگەل دەگەن سۇراققا جاۋاپ ىزدەۋدىڭ قاجەتى جوق.
چەمپيونات باستالعالى جەڭىلىپ كورمەگەن «قايرات» تەڭ ويىننان كوز اشپاي كەلەدى. الماتىلىقتار بۇل جولى «توبىلمەن» 2:2 ەسەبىمەن تەڭ ويناپ, تاعى دا ەكى ۇپايدان ايىرىلدى. ازىرگە تىنىسى اشىلماي, كەستەنىڭ بەلورتاسىندا كەلەدى.
بۇل تۋرداعى باستى ويىننىڭ ءبىرى شىمكەنتتە «ورداباسى» مەن ءالى جەڭىلىستىڭ اششى ءدامىن تاتپاعان «قايسار» اراسىندا وتكەن بولاتىن. تارتىستى ماتچتا ويىن تاعدىرىن جالعىز گول شەشىپ, «ورداباسى» كوش باسىنداعى كوماندالار اراسىنان ويىپ ورىن الدى. ال «قايسار» بولسا, ۇتىلىستىڭ ۇياتىن تۇڭعىش رەت سەزىندى.
كوش سوڭىندا شاڭ جۇتقان «شاحتەر» مەن «اتىراۋعا» جەڭىس دەگەن ارمان بولىپ تۇر. التىنشى تۋردا اتىراۋدا ءوزارا كۇش سىناسقان بۇل ەكى كوماندا ارمانسىز «ايقاستى». دەگەنمەن, ءبىرىن-ءبىرى الا الماي, 3:3 ەسەبىمەن تارقاستى.
وتكەن تۋردا وزگەرمەگەن ءبىر عانا كورسەتكىش بار: الماتىنىڭ «قايراتى» ءالى جەڭىلگەن جوق...
التىنشى تۋردىڭ ويىندارى مىناداي ناتيجەلەرمەن اياقتالدى:
«ورداباسى» – «قايسار» – 1:0 (0:0), مارتسۆالادزە, 52 (1:0); «استانا» – «اقتوبە» – 3:0 (1:0), لوگۆينەنكو, 12 (1:0). كابانانگا, 87 – پەنالتيدەن (2:0). جالمۇقان, 90+1 (3:0); «اتىراۋ» – «شاحتەر» – 3:3 (1:2), تاجىمبەتوۆ, 11 (0:1). سالوموۆ, 28 (1:1). حايرۋللين, 30 (1:2). وبششيۆاتس , 78 (2:2). سكورىح, 83 – ءوز قاقپاسىنا (3:2). ومىرتاەۆ, 90+1 (3:3); «توبىل» – «قايرات» – 2:2 (0:2), يليچەۆيچ, 19 (0:1). گوۋ, 42 (0:2). ششەتكين, 51 (1:2). مالىي, 83 (2:2); «اقجايىق» – «وقجەتپەس» – 1:1 (0:1) ماروچكين, 18 (0:1).گوۆەداريتسا, 90 (1:1); (ەرتىس» – «تاراز» – 5:2 (1:1) مۇحامەتشين, 17 (0:1). فونسەكا, 20 (1:1). داراباەۆ, 59 (2:1). داراباەۆ, 64 (3:1). فەششۋك, 67 (3:2). اليەۆ, 78 (4:2). دجا دجەدجە, 82 (5:2).
التىنشى تۋردان كەيىن سۇرمەرگەندەر توبى بىلايشا ءتۇزىلدى:
1. جەرار گوۋ – 6 گول;
2. الەكسەي ششەتكين – 4 گول.
ءساۋىردىڭ 16-سى كۇنى وتەتىن 7-تۋردا مىنا كوماندالار ءوزارا وينايدى: «وقجەتپەس» – «استانا», «تاراز» – «اقجايىق», «قايسار» – «ەرتىس», «قايرات» – «ورداباسى», «شاحتەر» – «توبىل», «اقتوبە» – «اتىراۋ».
قايرات ءابىلدينوۆ,
«ەگەمەن قازاقستان»