حالەل دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە باستاۋ العان جوبا Kids University دەپ اتالادى. الەم بويىنشا وسى ىسپەتتى 150 وقۋ ورنى بار. وقۋشىلاردىڭ جالپى ءبىلىم بەرەتىن مەكتەپ باعدارلاماسىنىڭ اياسىنان شىعىپ, حالىقارالىق ءبىلىم كەڭىستىگىنە ەنۋىنە جاعداي جاساۋ, عىلىمعا باۋلۋ, جاڭا تەحنولوگيالاردى قولدانا بىلۋگە ۇيرەتۋ بالالار ۋنيۆەرسيتەتى ارقىلى جۇزەگە اسىرىلاتىن بولادى.
بۇل جوبانىڭ ەرەكشەلىگى – جاسوسپىرىمدەر وقىپ قانا قويماي, عىلىم مەن تەحنيكاعا قاتىستى ساۋالدارىنا جاۋاپ الادى. عالىمدار قىزىقتى دارىستەر وتكىزەدى.
– مەكتەپ وقۋشىلارىنىڭ كوكتەمگى دەمالىسى كەزىندە ايماقتاعى 5-11 سىنىپتاردا وقيتىن 52 وقۋشى ۋنيۆەرسيتەتكە قابىلداندى. ماتەماتيكا, ينفورماتيكا, ەكولوگيا, اعىلشىن ءتىلى, تاريح پاندەرىنەن ساباق الىپ, كوركەمسۋرەت ستۋدياسىندا جۇمىس ىستەدى. ولارعا ارنايى ستۋدەنتتىك بيلەتتەر تابىستالدى, – دەيدى بالالار ۋنيۆەرسيتەتىنىڭ رەكتورى ورىنگۇل ءابىلوۆا.
باقىتگۇل باباش,
«ەگەمەن قازاقستان»
اتىراۋ