ەڭ الدىمەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا تانىستىرۋ ءۇشىن ءسوز كەزەگى ء ماجىلىس دەپۋتاتى ءۋاليحان قاينازاروۆقا ۇسىنىلدى. ول اتالعان قۇجاتتىڭ ماقسات-مىندەتى مەن قىزمەت اۋقىمىنا قاتىستى ماسەلەلەردى ەگجەي-تەگجەيلى بايانداپ, بىرقاتار تۇزەتۋلەر اۋەلى ءبىرىنشى وقىلىمدا, كەيىننەن دەپۋتاتتار ۇسىنىسىمەن ەكىنشى وقىلىمدا قارالىپ, ماقۇلداندى. زاڭ جوباسىندا ساۋدا ماقساتىندا تەڭىزدە ءجۇزۋ سالاسىنداعى ۇلتتىق زاڭنامانى حالىقارالىق شارتتاردىڭ تالاپتارىنا سايكەس كەلتىرۋ ۇسىنىلعاندىعىن دا ايتا كەتەيىك.
سونىمەن قاتار, قۇجاتتا شاعىن كولەمدى كەمەلەردى ەسەپكە الۋ مەن تىركەۋگە بايلانىستى مەملەكەتتىك ءجۇيەنى جەتىلدىرۋگە, رەلستىك كولىكتەردىڭ قاۋىپسىزدىگىن قامتاماسىز ەتۋگە باسا نازار اۋدارىلعان. «قازىرگى تاڭدا مەتروپوليتەندەگى قوزعالىستىڭ قاۋىپسىزدىگىن جانە تەحنيكالىق قۇرالداردىڭ جاي-كۇيىن باقىلاۋ جەرگىلىكتى اتقارۋشى ورگانعا بەكىتىلگەن. ال قالالىق رەلستىك كولىك ءتۇرلەرىنە قاتىستى باقىلاۋ جوق. سونىڭ سالدارىنان 2015 جىلى الماتى قالاسىندا ترامۆاي 14 اۆتوكولىككە زالالىن تيگىزگەنى ەسىمىزدە. سوندىقتان دا, بۇل قۇجات تەمىر جول سالاسىنداعى تارماق يەلەنۋشىلەر مەن كىرمە جولدار تۇتىنۋشىلارىنىڭ اراقاتىناسىن رەتتەۋدى كوزدەيدى», – دەدى ۋ.قاينازاروۆ.
جالپى وتىرىستا «يسلام كونفەرەنتسياسى ۇيىمىنا مۇشە ەلدەر اراسىنداعى ەكونوميكالىق, تەحنيكالىق جانە ساۋدا ىنتىماقتاستىعى تۋرالى باس كەلىسىمدى راتيفيكاتسيالاۋ تۋرالى» زاڭ جوباسى دەپۋتاتتار تاراپىنان قولداۋعا يە بولدى. اتالعان قۇجات جونىندە نەگىزگى باياندامانى جاساعان ۇلتتىق ەكونوميكا ءمينيسترى تيمۋر ءسۇلەيمەنوۆ كەلىسىم ماقساتى – يسلام ىنتىماقتاستىعى ۇيىمىنا مۇشە مەملەكەتتەر اراسىنداعى ساۋدا-ەكونوميكالىق, تەحنيكا, تەحنولوگيا سالالارىندا عىلىمي ىنتىماقتاستىقتى دامىتۋ جانە ونى جۇزەگە اسىرۋ باعىتىنداعى قارىم-قاتىناسقا قۇقىق تۇرعىسىنان جاڭا ءمۇمكىندىكتەر اشىپ, ءورىسىن كەڭەيتىپ, بەكىتۋ ەكەندىگىن اتاپ ءوتتى.
«قازاقستان 2015 جىلعى 25 قاراشادا ىستانبۇلدا قول قويعان باس كەلىسىم ارقىلى ساۋدا, ينۆەستيتسيالار, عىلىم مەن تەحنولوگيا سالالارىنداعى ىنتىماقتاستىقتى نىعايتۋعا نيەتتى. ول بىرنەشە باعىت بويىنشا جۇرگىزىلەدى. ساۋدا سالاسىنداعى كەلىسىم مۇشە ەلدەردىڭ ءبىر-ءبىرىمەن تەڭ قۇقىلى جانە كەمسىتپەيتىن ساۋدا قاتىناستارىن قولدانۋعا, ساۋدا الماسۋلارىن كەڭەيتۋگە جانە دامىتۋعا كۇش-جىگەر جۇمساۋعا ۇمتىلىستارىن كوزدەيدى. ال ينۆەستيتسيا بويىنشا يىۇ-عا مۇشە ەلدەر, اسىرەسە, ساۋد ارابياسى, كۋۆەيت, بىرىككەن اراب امىرلىكتەرى, كاتار, باحرەين سياقتى اراب ەلدەرىنىڭ توبى – دامىعان ءجانە دامۋشى الەمنىڭ ەكونوميكالارى ءۇشىن ءىرى ينۆەستورلار بولىپ تابىلادى.
اتاپ ايتقاندا, ءباا ينۆەستيتسيالىق قورلارىنىڭ رەسۋرستارى 1 ترلن اقش دوللارىن قۇرايدى. سوندىقتان, اتالعان ەلدەردىڭ ءبىزدىڭ ەكونوميكاعا تىكەلەي ينۆەستيتسيالارىنىڭ كولەمى 2,3 ملرد اقش دوللارىن قۇرايدى. جانە ءۇشىنشى باعىت عىلىم مەن تەحنولوگيالارعا نەگىزدەلگەن. كاپيتالدان باسقا يسلام ەلدەرىندە وزىق تەحنولوگيالار بار. وسى كەزەڭدە مۇناي ەكسپورتتاۋشى ەلدەر اتالعان شيكىزاتتىڭ ەكسپورتىنا نەگىزدەلگەن دامۋ مودەلىن وزگەرتۋگە تىرىسۋدا. ولار اقپاراتتىق-كوممۋنيكاتسيالىق تەحنولوگيالارعا سۇيەنەتىن ەكونوميكانىڭ وزىق سەكتورلارىن قارجىلاندىرۋ ارقىلى ەكونوميكالىق جاڭعىرتۋ ساياساتىن ءجۇرگىزۋدە», – دەگەن مينيستر, سونداي-اق قازاقستانعا ساراپشىلار تارتۋ, بىرلەسكەن زەرتتەۋلەر جۇرگىزۋ جانە ءبىلىم بەرۋ ستيپەنديالارىن الۋ ارقىلى تاجىريبە ءجانە تەحنيكالىق مۇمكىندىكتەرمەن الماسۋعا ءمۇمكىندىك بەرىلەتىندىگىنە توقتالدى. وسى ورايدا, بيىلعى جىلدىڭ 10-11 قىركۇيەگىندە استانادا يىۇ-نىڭ عىلىم جانە تەحنولوگيالار جونىندەگى ءبىرىنشى ءسامميتىن وتكىزۋ جوسپارلانىپ وتىرعانىن اتاپ وتكەن ءجون.
سونداي-اق, جيىن بارىسىندا دەپۋتاتتار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قورعانىس جانە اسكەري قىزمەت ماسەلەلەرى بويىنشا ءوزگەرىستەر مەن تولىقتىرۋلار ەنگىزۋ تۋرالى» ءجانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر مەن جانۋارلار دۇنيەسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ەكىنشى وقىلىمدا ماقۇلداپ, «قازاقستان رەسپۋبليكاسىنىڭ ديپلوماتيالىق قىزمەتى تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن جۇمىسقا قابىلدادى.
نۇرلىبەك دوسىباي,
«ەگەمەن قازاقستان»