ايماق باسشىسى كاسىپورىننىڭ وندىرىستىك بولىگىن ارالاپ كورىپ, ءدارى-دارمەك پەن مەديتسينالىق قۇرال-جابدىقتىڭ ءوندىرىلۋ بارىسىمەن تانىستى.
ايتا كەتەيىك, اتالعان كاسىپورىن 2005 جىلى "بيزنەستiڭ جول كارتاسى - 2020» مەملەكەتتiك باعدارلاماسى اياسىندا اشىلعان بولاتىن. بۇگىندە ءوندiرiس ورنى رەنتگەن اپپاراتتارى مەن مەديتسينالىق جيھاز- جابدىقتار شىعارىپ, دارىلىك ءونىم وندىرۋمەن اينالىسادى. حالىقارالىق ستاندارتقا سايكەستiك سەرتيفيكاتىن العان زاۋىت بۇگىندە ەلىمىزدەگى اۋرۋحانالار مەن ەمحانالاردى ۋدز اپپاراتىنان باستاپ وپەراتسيا بولىمىنە قاجەتتى قۇرال-جابدىقتارىنا دەيىن قامتىپ وتىر. سوڭعى ۇلگىدەگى يننوۆاتسيالىق جوبالاردى ىسكە اسىرۋدا كاسىپورىن جاپونيا, يسپانيا, كورەيا سىندى الپاۋىت مەملەكەتتەردىڭ زاۋىتتارىمەن تىعىز بايلانىستا جۇمىس ىستەيدى. بۇگىندە مۇندا 150-گە جۋىق ادام ەڭبەك ەتەدى.
«كاسىپورىننىڭ جۇمىسى جۇيەلى. ونىمدەرى دە سۇرانىسقا يە. مۇندا جاسالىناتىن قوندىرعىلار وزىق شەتەلدىك قۇرىلعىلاردان كەم تۇسپەيدى. مەملەكەت تاراپىنان قولداۋ كورىپ وتىرعان كاسىپورىن جەدەل-جاردەم كولىگىن باستان اياق جابدىقتاپ, قاجەتتى قۇرالدارمەن قامتاماسىز ەتۋگە قاۋقارلى. قانشاما وتباسىنى جۇمىسپەن قامتىپ, تابىسىن ەسەلەپ وتىر. ەڭ باستىسى – كاسىپورىن باسشىلىعىندا ىزدەنىس پەن ۇمتىلىس بار», - دەدى جانسەيىت قانسەيىت ۇلى.
قازىرگى تاڭدا “قازمەدپريبور” مەكەمەسىندە مەديتسينالىق قۇرال-جابدىقتىڭ 400-دەن اسا ءتۇرى شىعارىلادى. جالپى زاۋىت جىلىنا 60 مىڭ دانا مەديتسينالىق تەحنيكانى شىعارۋعا قاۋقارلى. سونداي-اق, مۇندا جەدەل-جاردەم كولىگىنە قاجەتتى قۇرالداردان بولەك, ەلەكتروكارديوگرافتار, مەديتسينالىق مونيتورلار جاسالادى. ءارi ساپالى, ءارi باعاسى كوڭiلگە قونىمدى كاسiپورىننىڭ ونiمiنە دەگەن سۇرانىس جىل ساناپ ارتىپ كەلەدى. بۇگىندە زاۋىت ونىمدەرىنە رەسەي, وزبەكستان, تاجىكستان مەن تۇركىمەنستان سىندى كورشىلەس ەلدەردەن سۇرانىستار تۇسە باستاعان.