«استانا ەكسپو-2017» ۇلتتىق كومپانياسى مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى اراسىندا ءوتكەن جىلى سەرىكتەستىك كەلىسىمىنە قول قويىلعان بولاتىن. جيىندا وسى كەلىسىمدى ودان ءارى بەكىتىپ, جۇمىستى جانداندىرا ءتۇسۋ جايى ءسوز بولدى. «استانا ەكسپو-2017» ۇك» اق قىزمەتىنىڭ اشىقتىعىن قامتاماسىز ەتۋ, سونداي-اق, جەمقورلىقتى جويۋعا ىقپال ەتۋدە الەۋمەتتىك جاۋاپكەرشىلىكتى ارتتىرۋ ء ۇشىن ەكى جاقتى تىعىز قارىم-قاتىناستا جۇمىس ىستەۋ ماسەلەسى تالقىلاندى.
ۇلتتىق كومپانيا باسقارما ءتوراعاسى احمەتجان ەسىموۆ اتالعان قۇجات دەر كەزىندە قابىلدانىپ, ءوز ءتيىمدىلىگىن كورسەتكەنىن اتاپ ءوتتى. قۇجات سىندارلىلىق پەن اشىقتىق قاعيدالارىنا نەگىزدەلگەن بىرلەسكەن جانە كەلىسىلگەن ارەكەتتەردى جۇرگىزۋ ارقىلى ىنتىماقتاستىقتىڭ تيىمدىلىگىنە مۇمكىندىك تۋعىزدى.
ا.ەسىموۆتىڭ ايتۋىنشا, جاسالعان كەلىسىم باس مەردىگەرلەر اراسىنداعى جاۋاپكەرشىلىكتى ارتتىرا ءتۇستى. ۇلتتىق كومپانيا جاساسقان بارلىق شارتتاردا ەسكەرىلگەن جەمقورلىققا قارسى تالاپتار وسىنداي كەلىسىمدەرگە قول قويۋ كەزىندە قاتەرلەردى ازايتۋعا مۇمكىندىك تۋعىزدى.
سونىمەن قاتار, تاۋارلار, جۇمىس پەن قىزمەت كورسەتۋگە دەگەن باعانى بەلگىلەۋدى كۇشەيتۋگە باعىتتالعان شارالار قولعا الىنىپ, وپەراتسيالىق قىزمەتتى قوسپاعاندا, ەكسپو نىساندارىنىڭ قۇرىلىسى بارىسىندا 302 ملرد تەڭگە ۇنەمدەلدى. قازاقستاندىق قامتۋ ءوسىپ, جۇمىس ورىندارى ساقتالىپ, جاڭا ورىندار (50 مىڭ) اشىلىپ, وتاندىق وندىرىسكە (53,2 ملرد تەڭگە سوما كولەمىندە تاۋار ساتىپ الىندى) قولداۋ كورسەتىلدى.
ءوز كەزەگىندە قايرات قوجامجاروۆ ۇلتتىق كومپانيانىڭ قازىرگى جەتەكشىلىگى قىزمەتىنىڭ ايقىندىعىن اتاپ ءوتتى.
«ارىپتەسىمىزگە ىنتىماقتاستىق ءۇشىن العىسىمدى ايتا وتىرىپ, بارلىق قابىلدانىپ جاتقان شارالار ارقاسىندا زاڭدىلىقتى ساقتاۋ ىسىندە ەشقانداي كەلەڭسىزدىكتەر ورىن المايتىنىنا سەندىرگىم كەلەدى», دەدى جەمقورلىققا قارسى قىزمەتتىڭ جەتەكشىسى.
دينارا بىتىكوۆا,
«ەگەمەن قازاقستان»