ءاربىر ءىس يگىلىككە نەگىزدەلۋى ءتيىس

كوزايىمعا اينالعان كەشەن

ماڭعىستاۋ توپىراعى – «اقمىشتا تۋىپ, اقش-تا جۇلدە العان» جەلاياق ءامين تۇياقوۆ, قازاق بوكسىنىڭ اتاسى اتانعان شوقىر بولتەك ۇلى جانە باسقا جەتىستىكتەرىن ايتپاعاندا, ەكى دۇركىن وليمپيا ويىندارىنىڭ كۇمىس جۇلدەگەرى ادىلبەك نيازىمبەتوۆ سىندى ساڭلاق سپورتشىلاردى تۇلەتكەن توپىراق. وڭىردە بۇقارالىق سپورتتى دامىتۋعا كوڭىل ءبولىنىپ, تۇرعىنداردىڭ سپورتقا قىزىعۋشىلىعىن قاناعاتتاندىرۋ, مۇمكىندىكتەردىڭ قولجەتىمدىلىگىن ارتتىرۋ باعىتىندا جۇمىستار جوسپارلانىپ, كەزەڭ-كەزەڭىمەن جۇزەگە اسىرىپ كەلەدى. 140 مىڭ تۇرعىن مەن وبلىستىڭ بارلىق اۋدان, قالالارىنان, ەلىمىزدىڭ بىرقاتار باسقا قالالارىنان كەلىپ, ءبىلىم الىپ جۇرگەن جاستاردىڭ مەكەنى بولعان وبلىس ور­تالىعى اقتاۋ قالاسىندا زاماناۋي اۋ­قىمدى سپورت كەشەنىنىڭ جوقتىعى كوڭىل قۇلازىتاتىن. جىلدان-جىلعا قانا­تىن جايىپ, قاتارىنا جاڭادان جەكە­لەگەن ۇيلەر مەن عي­ماراتتار ەمەس, تۇتاس شاعىن اۋداندار قوسىلىپ جاتقان اق­تاۋدىڭ كەشە عانا تۇساۋىن كەسكەن 33-شاعىن اۋدانىن­دا كورىكتى سپورت كە­شەنى پايدا­لانۋعا بەرىلدى. مەملەكەت باسشىسى مۇنايلى ولكەگە ساپارىندا الدىمەن ماڭ­عىس­تاۋ­لىقتاردىڭ, اسىرەسە سپورت­سۇيەر جۇرت­شىلىقتىڭ كوزايىم قۋانىشىنا اينالعان «ماڭعىستاۋ-ارەنا» سپورت كەشەنىنە باردى.

2,5 گا جەردى الىپ جاتقان سپورت كەشە­نىنىڭ قۇرىلىسى 2014 جىلى «نكوك» كومپانياسىنىڭ الەۋمەتتىك مىندەت­تە­مەلەرى باعدارلاماسى اياسىندا باس­تالعان ەدى. قۇنى 23 ملرد 300 ملن تەڭ­گەنى قۇراعان الىپ قۇرىلىستى «ءنۇرسات» جشس تابىستى اياقتاپ شىقتى. ستاتيس­تيكا ماڭعىستاۋ وبلىسىنداعى 640 مىڭ­عا جۋىق ادامنىڭ 25 پايىزى, ياعني 158 250 ادام دەنەشىنىقتىرۋمەن جانە سپورت­پەن اينالىسادى دەگەندى ايتادى. ءوڭىر­دە 12 مىڭ بالا 18 بالالار مەن جاس­وسپىرىمدەر سپورت مەكتەبىنە تەگىن قا­تى­سادى, سونداي-اق 569 سپورت عيماراتىنىڭ 260-ى اۋىلدىق جەرلەردە ورنالاسقان. وتكەن جىلى وبلىستا 14 جاڭا سپورتتىق نىسان ىسكە قوسىلسا, الداعى ۋاقىتتا تاعى دا 5 نىساننىڭ قۇرىلىسى باستالماق. بيىل پايدالانۋعا بەرىلگەن ەكى كەشەننىڭ ءبىرى – «باتىر» سپورت كەشەنى, ەكىنشىسى – الىپ «ماڭعىستاۋ-ارەنا» سپورت سارايى. جاس­تاردى توعىزقۇمالاق, ەركىن كۇرەس, قازاقشا كۇرەس, كاراتە, كوركەم گيمناستيكا, دزيۋدو, گرەك-ريم كۇرەسى, بوكس, ۋ-شۋ, تاەكۆوندو, اەروبيكا, كيكبوكسينگ سىندى وليمپيالىق جانە ۇلتتىق سپورت تۇرلەرىنە دايىنداۋعا مۇمكىندىكتەرى مول كەشەندە فيتنەسكە ارنالعان جاتتىعۋ زالى, اۋىر اتلەتيكامەن اينالىساتىندار ءۇشىن ترەناجەر زالى بار. 550 شارشى مەتردى قۇرايتىن كەشەننىڭ 9333 شارشى مەترلىك الاڭىندا ۇستەل تەننيسى, فۋتبول, باسكەتبول, ۆولەيبول زالدارى, سونداي-اق جەكپە-جەك پەن جەڭىل اتلەتيكاعا ارنالعان زالدار بار جانە كەشەندە ءبىر كۇندە 1500 ادام جاتتىعا الادى. سىرتقى كەلبەتى قالا كوركىن اسىراتىن عيماراتتىڭ ىشكى جاعدايى ءارتۇرلى دەڭگەيدەگى سپورتتىق دودالاردى, چەمپيوناتتاردى وتكىزۋگە مۇمكىندىك بەرەدى. جەرگىلىكتى مامانداردان قۇرالعان 100-دەن استام ادامنىڭ قىزمەت ورنىنا اينالعان ارەنادا 50 باپكەر جاستاردى سپورتتىڭ الۋان تۇرىنە باۋلۋدا.

ەنانىڭ» الەۋەتى تۋرالى ماڭعىستاۋ وبلىستىق دەنەشىنىقتىرۋ جانە سپورت باسقارماسىنىڭ باسشىسى ب.بايجانوۆ تانىستىردى. ن.نازارباەۆ كورىكتى دە ءزاۋلىم سپورت سارايىندا ماڭعىستاۋ وبلىسىنىڭ جاستارىمەن جانە سپورتشىلارىمەن, سپورت ارداگەرلەرىمەن كەزدەسىپ, جاس سپورتشىلاردىڭ وقۋلارىنا جانە سپورتتاعى جولدارىنا ساتتىلىك تىلەدى.

ەركىن ايماقتاعى ەرەن ىستەر

تەڭىز جاعالاۋىندا ورنالاسقان ماڭعىستاۋ ءوڭىرى ينۆەستيتسيا تارتۋعا جانە تەڭىز جولى ارقىلى شەتكە يمپورت شىعارىپ, ەكسپورت قابىلداۋعا بارىنشا قولايلى. ول ءۇشىن الدىمەن ىڭعايلى جاعدايدىڭ قاجەتتىگى بەلگىلى. وسى ورايدا ءوز كاسىبىن اشىپ, ءناسىبىن تابامىن دەگەندەرگە ءتۇرلى جەڭىلدىكتەرمەن اشىلعان, ۇلان-عايىر اۋماقتى الىپ جاتقان «اقتاۋ تەڭىز پورتى» ارنايى ەكونوميكالىق ايماعىنىڭ ماڭىزى زور, ال ماقساتى – وڭدەۋ ونەركاسىبىن دامىتۋ ءۇشىن, سونىڭ ىشىندە, قۇرىلىس يندۋسترياسى, مۇنايحيميا, مۇنايسەرۆيس, كولىك جانە لوگيستيكا سالالارى ءۇشىن ينۆەستيتسيا تارتۋ بولىپ تابىلادى. بىرنەشە سۋبزونالارعا ورنالاسقان كاسىپكەرلىك نىساندار ەل دامۋىنا ءوز ۇلەستەرىن قوسۋدا. ناقتىراق ايتساق, قۇرىلۋ كەزىنەن باستاپ اتالمىش ارنايى ايماق اۋماعىندا 236 ملرد تەڭگەنىڭ ءونىمى ءوندىرىلىپ, 84 ملرد تەڭگە تارتىلدى, 20,8 ملرد تەڭگە سالىق رەتىندە بيۋدجەتكە ءتۇستى جانە 1023 تۇراقتى جۇمىس ورنى اشىلدى. اەا اۋماعىندا تىركەلگەن 30 جو­بانىڭ 15-ءى جۇزەگە اسىرىلدى. بيىل 11 جوبا جۇزەگە اسىرىلىپ جاتسا, تاعى 4 جوبانى ىسكە قوسۋ جوسپارلانۋدا. ار­نايى ەكونوميكالىق ايماقتاعى الەۋەت­تى جوبالاردىڭ ءبىرى – جۋىردا ىسكە قوسىلعان «ازەرسۋن ءوندىرىس جانە لوگيستيكا ورتالىعى» جشس 4,2 گا جەردى الىپ جاتقان ورتالىقتا 10 000 م³ ورىن قويمالارعا بولىنگەن. جەرىنىڭ تابيعي ەرەكشەلىكتەرىنە بايلانىستى كوكونىس, جەمىس-جيدەك تۇرلەرىن سىرتتان, اسىرەسە, تەڭىز جولدارى ارقىلى ازەربايجان ەلىنەن تاسۋعا مۇددەلى ماڭعىستاۋلىقتار ءۇشىن «ازەرسۋننىڭ» كومەگى ءازىر. تون­نا­لاپ اكەلىنگەن كوكونىستەردى ارنايى قوي­ما­لاردا ساقتاپ, حالىققا جەتكىزىپ وتى­رادى.

كەشە عانا ازەربايجان ەلىندە بولىپ, ەكى ەل اراسىنداعى قارىم-قا­تى­ناستى جان-جاقتى دامىتۋدى ايتقان مەم­لەكەت باسشىسى ن.نازارباەۆ اقتاۋ­دا «ازەرسۋن ءوندىرىس جانە لوگيستي­كا ورتالىعىندا» بولىپ, ورتالىق­تىڭ جۇمىسىمەن تانىسىپ, جۇمىسشى­لارى­مەن كەزدەستى. سونداي-اق, جەمىس-جيدەك پەن كوكونىس ساقتالاتىن قويمالاردى ارالاپ كوردى.

– اقتاۋداعى لوگيستيكا ورتالى­عىنىڭ قىزمەتى ازىق-ت ۇلىك ونىمدەرى با­عاسىن ارزانداتۋعا باعىتتالعان. ماڭ­عىستاۋ وبلىسىمەن قاتار, رەسپۋب­ليكا­مىزدىڭ باس­قا دا وڭىرلەرىندەگى ازىق-ت ۇلىك باعا­سىن تومەندەتىپ, ونىمەن قامتاماسىز ەتۋ ماقساتىمەن تاۋار­لاردى ساقتاۋ, جەت­كى­زىلەتىن كولە­مىن ارتتىرۋ جونىندە شارالار قابىلداۋ قاجەت, – دەدى ەلباسى.

ينۆەستورى ازەربايجاندىق «انادولۋ ينۆەستمەنت كومپاني» جشق بولىپ تابىلاتىن ورتالىق قۇرىلىسىنا 4,56 ملرد تەڭگە جۇمسالىپ, 15 تۇراقتى جۇمىس ورنى اشىلدى.

مۇنداعى جابىق قويمالاردىڭ اۋماعى 8730 شارشى مەتردى قۇرايدى, سونىڭ ىشىندە, قۇرعاق جۇكتەردى, جەمىس-جيدەك پەن كوكونىستەردى ساقتاۋعا ارنالعان جانە مۇزداتاتىن قويمالار بار. بارلىق قويمالارعا پاللەت ىدىسىنداعى تاۋارلاردى ساقتاۋعا ارنالعان 4 قاباتتى سورەلەر ورناتىلعان, شتريح-كودى بار باعىتتالعان جانە ورتالىقتاندىرىلعان باقىلاۋ جۇيەلەرى ۇيىمداستىرىلعان. جوبانى جۇزەگە اسىرۋ ماڭعىستاۋ وب­لىسىنىڭ سىرتقى نارىعىن جوعارى ساپالى ازىق-ت ۇلىك تاۋارلارىمەن قامتاماسىز ەتۋگە مۇمكىندىك بەرەدى دەگەن سەنىم بار.

مەملەكەت باسشىسى «اقتاۋ تەڭىز پورتى» اەا-دا ورنالاسقان اقتاۋ تەڭىز سولتۇستىك تەرمينالىندا بولۋ ار­قىلى كاسپي تەڭىزىندەگى كولىك ينفرا­قۇ­رىلىمىنىڭ دامۋىمەن تانىستى. كاسپي تەڭىزىندەگى كولىك-لوگيستيكا سالا­سىنىڭ دامۋى مەن باعىتتتارى تۋرالى «قازاقستان تەمىر جولى» ۇك» اق پرەزيدەنتى ق.الپىسباەۆ بايانداپ بەر­دى. ەلباسى بۇدان ەكى جىل بۇرىن ماڭ­عىستاۋعا كەزەكتى جۇمىس ساپارى بارىسىندا ىسكە قوسىلۋىنا باستاۋ بەرگەن اقتاۋ تەڭىز سولتۇستىك تەرمينالى جوبا­سىنىڭ قۇنى 37,5 ملرد تەڭگەنى قۇراي­دى. «اقتاۋ تەڭىز پورتى» ارنايى ەكونو­ميكالىق ايماعىنىڭ 39,4 گەكتار الاڭ­ىندا ءبىر ۋاقىتتا 5 000-عا دەيىن كون­تەينەر (TEU) مەن 170 000 تونناعا دەيىن نەگىزگى جۇكتى ساقتاۋعا بولادى. زا­ماناۋي كوپ ماقساتتى تەرمينالدىڭ ءوندى­رىستىك قۋاتى جىلىنا 3 ملن تونناعا دەيىن نەگىزگى جۇكتى, ونىڭ ىشىندە, 1,5 ملن تونناعا دەيىن ءداندى داقىلدى اۋىستىرىپ تيەۋگە مۇمكىندىك بەرەدى.

قازىرگى ۋاقىتتا تەرمينال استىق, مەتالل, كونتەينەرلەر مەن نەگىزگى جۇكتەردى قابىلداپ جىبەرەدى, ۆاگوندارعا جۇكتى تيەپ, ولاردى تۇسىرەدى, كەمەلەرگە كەشەندى قىزمەت كورسەتەدى.

ن.نازارباەۆ كاسىپورىن ۇجىمىمەن كەزدەسىپ, جۇمىسشىلاردىڭ پىكىرىن تىڭدادى.

– ەڭبەك نارىعىنداعى تۇراقسىزدىق­تى جويۋ جانە ايماق تۇرعىندارىن جۇمىسقا ورنالاستىرۋعا قولداۋ كورسەتۋ ماقساتىندا ماڭعىستاۋ وبلىسىنىڭ اكىمدىگىمەن جاسالعان «جاڭا سەرپىن» وڭىرلىك باعدارلاماسىنىڭ اياسىندا تەرمينال ءۇشىن 27 ادام وقىتىلدى. ولاردىڭ كوبى ءبىز ءۇشىن قاجەتتى ماماندار – مەحانيزاتور-دوك جۇمىسشىلارى مەن تالماندار. ولار سانكت-پەتەربۋرگ قالاسىنىڭ جانىنداعى تەڭىز پورتىندا وقىتىلدى,  – دەدى «اقتاۋ تەڭىز سولتۇستىك تەرمينالى» جشس باس ديرەكتورى ا.قاراباسوۆ. كاسىپورىن 190 تۇرعىندى جۇمىسقا الىپ, ءوڭىر تۇرعىندارىنىڭ جۇمىسسىزدىق ماسەلەسىن شەشۋگە ءسال دە بولسا كومەگىن تيگىزىپ تۇر.

ەكى ساعاتقا سوزىلعان ەمەن-جارقىن جۇزدەسۋ

مەملەكەت باسشىسى مۇنايلى وڭىردەگى جۇمىس ساپارىن ءوڭىردىڭ جۇرتشىلىق وكىلدەرىمەن – اۋدان, قالا اكىمدەرىمەن, دەپۋتاتتارمەن, سالالىق باسقارمالار باسشىلارىمەن, كاسىپكەرلەرمەن جانە جاستارمەن كەزدەسۋمەن قورىتتى.

قازاقستان پرەزيدەنتى تاۋەلسىزدىك جىل­دارىندا ماڭعىستاۋدىڭ ەل ونەر­كاسى­بىندەگى ۇلەسىنىڭ ارتقانىنا توقتالدى.

– وتكەن جىلداردا ماڭعىستاۋ وبلى­سىنىڭ ەكونوميكاسى ايتارلىقتاي ءوستى. تاۋەلسىزدىك العان كەزدەن باستاپ وڭىرلىك جالپى ءونىم 32 ەسە كوبەيىپ, 2 تريلليون تەڭگەدەن استى. 7 ميلليون شارشى مەتر تۇرعىن ءۇي سالىندى. 2016 جىلى وڭىرگە تارتىلعان ينۆەستيتسيا 400 ميلليارد تەڭگە بولدى. بۇل – 2000 جىلمەن سالىستىرعاندا 12 ەسە ارتىق, – دەدى نۇرسۇلتان نازارباەۆ.

مەملەكەت باسشىسى ماڭعىستاۋ وب­لى­سىنىڭ ەلەۋلى ەنەرگەتيكالىق, ونەر­كاسىپتىك جانە كولىك-لوگيستيكالىق الەۋەتى بار ەكەنىن ايتتى.

– ەۋرازيانىڭ ءدال ورتاسىندا ورنا­لاسقان قازاقستان ءاردايىم قۇرلىقتاعى ەل بولىپ سانالىپ كەلدى. بۇگىنگى تاڭدا ءبىز قۇرلىق اۋقىمىمەن شەكتەلىپ قالماي, توماعا-تۇيىقتىق شەڭبەرىن بۇزدىق. اقتاۋدا زاماناۋي تەڭىز پورتىن سالدىق, بەينەلەپ ايتقاندا, «جولسىز جەردەن جول اشتىق», – دەدى ەلباسى.

سونداي-اق, قازاقستان پرەزيدەنتى جۇيەلى دامۋدىڭ جارقىن مىسالى رە­تىن­دە «اقتاۋ تەڭىز پورتى» ارنايى ەكونو­ميكالىق ايماعىن اتاپ ءوتتى.

نۇرسۇلتان نازارباەۆ شەكارا ماڭ­ىن­د­اعى ىنتىماقتاستىقتىڭ ماڭىزدى الەۋە­­تىن پايدالانۋ قاجەتتىگىنە توق­تالدى.

– قازاقستان ءاردايىم كورشىلەس ەلدەرمەن دوستىق قارىم-قاتىناس ورناتىپ كەلەدى. كەشە عانا مەن ازەربايجاندا بولدىم. بۇل ەلمەن ىنتىماقتاستىقتى كەڭەيتۋ ءۇشىن مۇمكىندىكتەرىمىز مول. سوڭعى ەكى جىلدىڭ وزىندە ماڭعىستاۋ وبلىسى مەن ازەربايجان اراسىنداعى ءوزارا تاۋار اينالىمى بەس ەسە وسكەن. ايماقتارىڭىز قازاقستاندى جاھاندىق جانە وڭىرلىك نارىقتارمەن بايلانىستىراتىن اسا ماڭىزدى ترانزيت تورابى بولىپ سانالادى. بۇل وراسان زور الەۋەتتى تولىق پايدالانا بىلگەن ءجون, – دەدى مەملەكەت باسشىسى.

سونىمەن بىرگە, قازاقستان پرەزي­دەن­تى ءوڭىردىڭ الەۋمەتتىك سالاداعى جەتىس­تىكتەرىن اتاپ ءوتتى.

– تاۋەلسىزدىك جىلدارى وبلىس تۇر­عىن­دارىنىڭ سانى ەكى ەسە ءوسىپ, 640 مىڭ ادام بولدى. حالىقتىڭ ءومىر جاسى دا ۇزارىپ كەلەدى. وسى جىلدار ىشىندە 271 مىڭ بالا دۇنيەگە كەلدى. بۇل رەسپۋبليكا بويىنشا ەڭ جوعارى كورسەتكىش بولىپ تابىلادى. تاريحي وتانىنا 125 مىڭنان استام ادام ورالدى. بۇل – تۇتاس ءبىر قالا. شيرەك عاسىردا مەديتسينا مەكەمەلەرىنىڭ سانى ەكى جارىم ەسە, ال مەكتەپتەر ەكى ەسە ارتقان. 229 بالاباقشا پايدالانۋعا بەرىلدى, – دەدى نۇرسۇلتان نازارباەۆ.

ماڭعىستاۋ وبلىسىنىڭ اكىمى ە.توع­جانوۆ وبلىستاعى الەۋمەتتىك-ەكونو­مي­كالىق جاعداي مەن ونى دامىتۋ پەرسپەكتيۆالارى تۋرالى باياندادى.

– 2016 جىلدىڭ قورىتىندىسى بويىنشا وبلىستىڭ الەۋمەتتىك-ەكونوميكالىق دامۋىنىڭ نەگىزگى ينديكاتورلارى تۇراق­تى دەڭگەيدە ساقتالدى. ەنەرگەتيكا نارى­عىنداعى باعا كونيۋنكتۋراسىنىڭ اۋىتقۋىنا بايلانىستى ەكى كورسەتكىش بويىنشا عانا تومەندەۋ بايقالدى, ولار – ونەركاسىپتىك ءوندىرىس كولەمى جانە نەگىزگى كاپيتالعا سالىناتىن ينۆەستيتسيالار.وسى قورىتىندىلاردى, سونىمەن قاتار, ءوڭىر ەكونوميكاسى دامۋىنا قوسىمشا سەرپىن بەرەتىن باعىتتاردى ەسەپكە الا وتىرىپ, ءبىز الداعى ۋاقىتقا نەگىزگى باسىمدىقتارىن ايقىندادىق, دەي كەلە, جىل سوڭىنا دەيىن ايماقتىق ەكونوميكانىڭ وڭ ءوسىمىن قامتاماسىز ەتۋ ءۇشىن بارلىق مۇمكىن شارالاردى قابىلداۋ, ايماقتاعى اۋىز سۋ ماسەلەسىنىڭ وتكىرلىگى جانە ونى شەشۋ جولدارى, مەم­لەكەتتىك-جەكەمەنشىك ارىپتەستىكتى نى­عايتۋ, تۇرعىن ۇيمەن قامتاماسىز ەتۋدى جانە كاسىپكەرلىكتى بەلسەندى دامىتۋ باعىتىنداعى جوسپالاردى ورتاعا سالدى.

تۋ كورسەتكىشىنىنىڭ جوعارىلىعى مەن حالىقتىڭ كوشى-قونى بىزگە بالا-باقشالار مەن مەكتەپتەردىڭ قۇرىلىسىن تەزدەتۋدى مىندەتتەيدى. تاپشىلىقتى بولدىرماۋ ماقساتىندا وسى جىلى بىردەن 8 جاڭا مەكتەپتىڭ قۇرىلىسىن باستايمىز. ول ءۇشىن رەسپۋبليكالىق بيۋدجەتتەن 11 ملرد تەڭگەدەن استام قاراجات ءبولىندى. اعىمداعى جىلى مەملەكەتتىك-جەكەمەنشىك ارىپتەستىك مەحانيزمدەرىن پايدالانۋ ارقىلى بالاباقشالار سانىن 35-كە دەيىن ارتتىرۋدى جوسپارلاپ وتىرمىز. سونداي-اق, وسى جىلى ءىرى دەنساۋلىق ساقتاۋ نىساندارىنىڭ قۇرىلىستارى ءۇشىن, ول – اقتاۋ قالاسىنداعى اۋىسىمىنا 500 ناۋقاستى قابىلدايتىن ەمحانا مەن 300 توسەكتى كوپسالالى اۋرۋحانانىڭ, جاڭاوزەن قالاسىنداعى مەديتسينالىق ورتالىقتىڭ قۇرىلىستارىنا ارناپ جەكەمەنشىك ينۆەستيتسيانى تارتۋ كوزدەلۋدە. ايماقتاعى مەملەكەتتىك-جەكەمەنشىك ارىپتەستىكتىڭ دامۋ قارقىنى بار. ءسىزدىڭ تاپسىرماڭىزعا سايكەس ءبىز ونى ءارى قاراي جەتىلدىرەتىن بولامىز, – دەدى ايماق باسشىسى.

سونىمەن قاتار, ايماق باسشىسى جاڭا «نۇرلى جەر» مەملەكەتتىك باعدارلاماسى ارقىلى تۇرعىن ۇيلەر سالۋ قارقىنىن ءارى قاراي دامىتاتىنىن جانە وبلىس ورتالىعىنداعى جاڭا شاعىن اۋدانداردىڭ قۇرىلىسى ءۇشىن ينۆەستيتسيا تارتاتىنىن, كوپشىلىك كاسىپكەرلىك پەن ءتيىمدى جۇمىسپەن قامتۋ بويىنشا جاڭا باعدارلامانى جۇزەگە اسىرۋدى جەتىلدىرەتىنىن ايتىپ ءوتتى. 2017 جىلى 1 ملرد تەڭگەدەن استام قارجىعا 250 شاعىن نەسيە ءبولۋ, 165 بيزنەس-باستامالاردى سۋبسيديالاۋ جوسپارلانىپ وتىر. اعىمداعى جىلى وبلىس بويىنشا 26 مىڭ جۇمىس ورنىن اشۋ كوزدەلۋدە.

– وڭىرلىك ەكونوميكانى دامىتۋ بويىنشا جۇزەگە اسىرىلاتىن شارالار مەن ەكونوميكالىق ءوسىمدى قامتاماسىز ەتۋ, ەڭ الدىمەن, جۇمىسپەن قامتىلۋدى ساقتاۋعا, جاڭا جۇمىس ورىندارىن قۇرۋعا, ەڭبەك موبيلدىلىگىن ارتتىرۋعا, ءوڭىردىڭ كاسىپورىندارىنداعى كوپشىلىك قىسقارتۋلاردى بولدىرماۋعا باعىتتالادى. بۇگىنگى تاڭدا وڭىرلەردە, ءسىز ايقىنداپ بەرگەن مىندەتتەر مەن تاپسىرمالاردى ورىنداۋعا بارلىق قاجەتتى مۇمكىندىكتەر بار. وسى مۇمكىندىكتەردى تولىعىمەن پايدالانىپ, ەلىمىزدىڭ جانە ولكەمىزدىڭ دامۋى جولىندا العا قويعان ماقساتتارعا قول جەتكىزۋگە بار كۇش-جىگەرىمىزدى سالاتىنىمىزعا سەنىم بىلدىرەمىن, – دەدى ەرالى توعجانوۆ. مەملەكەت باسشىسى جاڭا قىزمەتكە تاعايىندالعان از ۋاقىتتىڭ ىشىندە وبلىس, اۋدان, قالالارىن ارالاپ, ءوڭىردى زەرتتەپ-زەردەلەي العانى ءۇشىن ايماق باسشىسىنا ريزاشىلىعىن ايتتى.

كەزدەسۋدە «لۋكويل وۆەرسيز» كومپا­نياسىنىڭ ايماقتىق كوورديناتورى, وبلىستىق سايلاۋ كوميسسياسىنىڭ ءتور­اعاسى ە.كۇمىسقالي, ماڭعىستاۋ وبلىس­تىق ءماسليحاتىنىڭ دەپۋتاتى, مۇنايلى اۋداندىق قوعامدىق كەڭەستىڭ توراعاسى ت.ءامىروۆ, نازارباەۆ زياتكەرلىك مەكتەبى اعىلشىن ءتىلى ءپانىنىڭ وقىتۋشىسى ن.كەلەحساەۆا, گەولوگ و.بەلونوجكينا, ارداگەر ك.ەگىزقاراەۆ, اقتاۋداعى اسكەري-تەڭىز بازاسى جاۋىنگەرلىك راكەتا-ارتيللەريالىق «ورال» كەمەسىنىڭ بايلانىسشىسى ج.يبراەۆا, «بولاشاق» ستيپەندياسىنىڭ تۇلەگى, «كاسپيان مەرۋەرت وپەرەيتينگ كومپاني» كومپا­نياسىنىڭ جەتەكشى ينجەنەرى ەرجان ابىلحانوۆ ءسوز الىپ, ءوز ومىرلەرىندەگى جانە ءوز قىزمەتتەرىندەگى ەلەۋلى جاڭا­لىقتاردى ءبولىستى, قازاقستانداعى جايلى ءومىر, تىنىشتىق ءۇشىن, جارقىن جەتىس­تىكتەرگە قول جەتكىزۋگە مۇمكىندىك جاسا­عانى ءۇشىن ەلباسىنا شەكسىز ريزاشى­لىقتارىن ءبىلدىردى.

مەملەكەت باسشىسى ودان ءارى كاسىپكەر ايەلدەر اسسوتسياتسياسىنىڭ ءتورا­يىمى, كاسىپكەر س.جاقاەۆانى, جاستار ورتا­لىعىنىڭ جەتەكشىسى گ.بۇرحان­دينوۆانى جانە ش.ەسەنوۆ اتىنداعى كمتجيۋ رەكتورى ب.ادىلبەكوۆتى, بەينەۋ اۋدانىنىڭ اكىمى ب.ءازىرحانوۆتى, اقتاۋ قالاسىنىڭ اكىمى س.ترۇموۆتى تىڭدادى. اقتاۋداعى جالعىز مەملەكەتتىك ۋنيۆەرسيتەتتىڭ جۇمىسىن سىنعا العان ن.نازارباەۆ ۋنيۆەرسيتەت باسشىلىعىنا سىننان قورىتىندى شىعارۋعا كەڭەس بەردى.

– اقتاۋ ارحيتەكتۋراسىنا ءمان بەرىڭىز­دەر, تەڭىزدەن دە, كەلەسى بەتتەن قاراعاندا دا كوز تارتاتىن بولسىن. ارنايى «ارحي­تەكتۋرالىق باس جوسپار» جاساقتاۋ قاجەت. اقتاۋدا جاسىل اعاشتار جوق, سوندىقتان, ۇيلەردى ادەمى ەتىپ سالىپ, كوك تەڭىزبەن ۇيلەستىرە كورىكتى ەتىپ بەزەندىرۋ قاجەت. سىزدەردە قازىر ۇيلەر بىرىڭعاي تۇستە, كوز تارتپايدى. سونداي-اق, دەمالىس ور­نى قوناقتار ءۇشىن قىزىقتى بولۋى ءۇشىن قالا ماڭىندا بولعان ءجون, دەگەن ەلباسى اقتاۋ قالاسىنىڭ اكىمى س.ترۇ­موۆ­قا اقتاۋدا تۋريستىك ورتانى, شاعىن جانە ورتا كاسىپكەرلىكتى دامىتۋدى, سۋ ماسە­لەسىن شەشىپ, كوگالداندىرۋ ماسەلەسىن كۇن تارتىبىنە قويۋ كەرەكتىگىن تاپسىردى.

ن.نازارباەۆ ەكى ساعاتقا جۋىق ءار سالا بويىنشا اشىق ءارى جان-جاقتى اڭگى­مەلەسكەندەرى ءۇشىن كەزدەسۋگە قاتى­سۋ­شىلارعا العىسىن ايتىپ, قازاق­ستاندى دامىتۋ ءۇشىن بىرگە جۇمىس جاساي بەرە­تىندىكتەرىن, ءوزىنىڭ ءاردايىم ەلىنىڭ سەنىم-قولداۋىنا سۇيەنەتىندىگىن جەتكىزدى.

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى

سۋرەتتەر پرەزيدەنتتىڭ ءباسپاسوز

قىزمەتىنەن الىندى