سەمەيدەگى جازۋشى فەدور دوستوەۆسكي مۋزەي-ۇيىندە «شەبەرلىك تۇرلىلىگى» اتتى جاستاردىڭ قولونەر تۋىندىلارىنا ارنالعان كورمە اشىلدى.
قازاقستان ديزاينەرلەر وداعىنىڭ مۇشەسى ءمادينا مۇساتاەۆانىڭ ايتۋىنشا, سەمەيدەگى كوللەدجدەردىڭ 2-4 كۋرس ستۋدەنتتەرىنىڭ جۇمىسى وسى كورمەگە ارنايى لايىقتالىپ الىنعان. بۇندا كارتينالاردىڭ ءتۇر-تۇرلەرىمەن قاتار, بيسەر, اپپليكاتسيادان جاسالعان جۇمىستار قويىلعان. بارلىعى دا ازىرشە ەشقانداي اتاق-داڭقى بولماسا دا, ەرىنبەي ەڭبەكتەنىپ جۇرگەن, بولاشاعىنان كوپ ءۇمىت كۇتتىرەتىن جاستار. اسىرەسە, بيزنەس جانە سەرۆيس كوللەدجى ستۋدەنتتەرىنىڭ تۋىندىلارى كوپتىڭ كوڭىلىنەن شىقتى. كورمەگە قاتىسۋشىلار بودي-ارت جانە قىنامەن بوياۋ, ياعني «مەندي» سالاسىنان دا حاباردار ەكەندىكتەرىن كورمە بارىسىندا كورسەتتى. ەكىنشى كۋرس ستۋدەنتى ۆيكتوريا كوۆس قىنامەن بوياۋدىڭ قىزىقتى تۇرلەرىمەن كەلۋشىلەردى تانىستىردى.
راۋشان نۇعمانبەكوۆا
سەمەي
سۋرەتتى تۇسىرگەن اۆتور