«سپورت مەكتەپتەرىندە 6-دان 18 جاسقا دەيىنگى 7 055 بالا بار», دەپ حابارلايدى استانا اكىمدىگىنىڭ «Elorda Aqparat» رەسمي ينتەرنەت-پورتالى استانا قالاسى دەنە شىنىقتىرۋ جانە سپورت باسقارماسىنىڭ باسشىسى بەرىك مارجىقپاەۆقا سىلتەمە جاساپ.
«استانا قالاسى دەنە شىنىقتىرۋ جانە سپورت باسقارماسىنىڭ باعىنىسىنداعى بارلىق ون سپورت مەكتەبى 6 جاستان جانە ودان دا ەرەسەك سپورتشىلاردى دايىنداۋ جونىندە حالىققا تەگىن قىزمەت كورسەتەدى. سپورت مەكتەپتەرىندە 6-دان 18 جاسقا دەيىنگى 7 055 بالا بار», - دەپ اتاپ ءوتتى ب.مارجىقپاەۆ.
ونىڭ ايتۋىنشا, جاتتىقتىرۋشىلاردىڭ ەڭبەكاقىسى, سپورت عيماراتىن جالعا الۋ, سپورت قۇرالدارىن ساتىپ الۋ – بارلىعى دا استانا قالاسى بيۋدجەتى ەسەبىنەن تولەنەدى.