ۇلتتىق گۆارديانىڭ 36 اسكەري قىزمەتشىسى مەن ىشكى ىستەر ورگاندارىنىڭ 232 قىزمەتكەرى, 58 اۆتوكولىك, سەگىز ءجۇزۋ قۇرالى دا باعالى بالىق قورىن ساقتاۋ شارالارىنا قاتىسادى.
«براكونەرلىك فاكتىلەر كوپ تىركەلەتىن جەرلەردە 20 بەكەت ۇيىمداستىرىلعان. جايىق, قيعاش وزەندەرى مەن كاسپي تەڭىزىنىڭ جاعالاۋى دا باقىلاۋدا بولادى», – دەيدى ورمان شارۋاشىلىعى جانە جانۋارلار دۇنيەسى كوميتەتى توراعاسى مارلەن اينابەكوۆ.
كەڭ اۋقىمدى بالىق قورعاۋ ناۋقانى 31 مامىرعا دەيىن جالعاسادى. وسى ۋاقىت ارالىعىندا اتىراۋ, اقتاۋ, ورال قالالارىندا بالىق ءونىمىن زاڭسىز ساتۋ ورىندارى تۋرالى مونيتورينگ جۇرگىزىلەدى. بيىل اتىراۋلىق بالىقشىلارعا بولىنگەن كۆوتا كولەمى 14 مىڭ توننا. بۇل كورسەتكىش وتكەن جىلعى مولشەردەن بەس مىڭ تونناعا از. وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسىنىڭ باسشىسى مۇرات ەرمەكقاليەۆتىڭ ايتۋىنشا, بىلتىر بالىقشىلار بولىنگەن ءليميتتىڭ 67,5 پايىزىن عانا (12,9 مىڭ توننا) ورىنداعان. ەسەسىنە, 15 مىڭ توننا بالىق ونىمدەرى زاڭسىز اۋلانىپ, وبلىس اۋماعىنان شىعارىلىپتى.
باقىتگۇل باباش, «ەگەمەن قازاقستان»