«ەلورداداعى قاۋىپسىزدىك پەن جايلىلىق» جوباسىن جۇزەگە اسىرۋ ماقساتىندا استانا قالاسى پروكۋراتۋراسىندا «تەرروريستىك تۇرعىدان العاندا قاۋىپتى ادامداردى تانۋ ءۇشىن جەدەل پروفايلينگ ادىستەرىنىڭ نەگىزدەرى» اتتى وقۋ-سەمينارى ۇيىمداستىرىلدى, دەپ حابارلادى استانا قالاسى پروكۋراتۋراسىنىڭ ءباسپاسوز قىزمەتى.
شاراعا 80-نەن استام كوشى-قون پوليتسياسى مەن شەكارا قىزمەتكەرلەرى قاتىستى.
وقىتۋدى قازاقستان رەسپۋبليكاسىنىڭ مەملەكەتتىك قورعاۋ قىزمەتىنىڭ مامانى جۇرگىزدى. وقۋ ناتيجەسىندە جوعارىدا اتالعان ورگانداردىڭ قىزمەتكەرلەرى پروفايلينگ سالاسىنداعى تەوريالىق ءبىلىم مەن تاجىريبەلىك داعدىلارعا يە بولدى.
«ەلورداداعى قاۋىپسىزدىك پەن جايلىلىق» كەشەندى جوسپارى اعىمداعى جىلدىڭ 20 قاڭتارىندا باس پروكۋرور جانە قالا اكىمى تاراپتارىنان بەكىتىلگەندىگىن ەسكە سالامىز. جوبا ەلوردا تۇرعىندارى مەن قوناقتارىنا قاۋىپسىز ءارى جايلى جاعداي جاساۋعا, سونىڭ ىشىندە «ەكسپو-2017» حالىقارالىق كورمەسىن ۇيىمداستىرۋعا نەگىزدەلگەن 172 شارادان قۇرالعان.