​قازاقستان رەسپۋبليكاسى ۇكىمەتىنىڭ قاۋلىسى

2017 جىلعى 17 اقپان            №76         استانا, ۇكىمەت ءۇيى

قازاقستان رەسپۋبليكاسىنىڭ ۇكىمەتى قاۋلى ەتەدى:

1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر ەنگىزىلسىن:

1) «تۇرعىن ءۇي كومەگىن كورسەتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 30 جەلتوقسانداعى №2314 قاۋلىسىندا (قازاقستان رەسپۋبليكا­سىنىڭ ءپۇاج-ى, 2010 ج. № 5, 60-قۇجات):

كورسەتىلگەن قاۋلىمەن بەكىتىلگەن تۇرعىن ءۇي كومەگىن كورسەتۋ ەرەجەسىندە:

4-تارماقتا:

1) تارماقشا مىناداي رەداكتسيادا جازىلسىن:

«1) ءوتىنىش بەرۋشىنىڭ جەكە باسىن كۋالاندىراتىن قۇجات (كورسەتىلەتىن قىزمەتتى الۋشىنىڭ جەكە باسىن سايكەستەندىرۋ ءۇشىن ۇسىنىلادى);»;

3) تارماقشا مىناداي رەداكتسيادا جازىلسىن:

«3) مەكەنجاي انىقتاماسى نە ءوتىنىش بەرۋشىنىڭ تۇرعىلىقتى تۇراتىن جەرى بويىنشا تىركەلگەنىن راستايتىن اۋىل اكىمدەرىنىڭ انىقتاماسى;»;

9) تارماقشا الىپ تاستالسىن;

2) «مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج قازاقستان رەسپۋبليكاسىنىڭ ازاماتتارىن ەسەپكە قويۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 26 ماۋسىمداعى №856 قاۋلىسىندا (قازاقستان رەسپۋبليكاسىنىڭ ءپۇاج-ى, 2012 ج. №59, 815-قۇجات):

كورسەتىلگەن قاۋلىمەن بەكىتىلگەن مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج قازاقستان رەسپۋبليكاسىنىڭ ازاماتتارىن ەسەپكە قويۋ قاعيدالارىندا:

8-تارماق مىناداي رەداكتسيادا جازىلسىن:

«8. ازاماتتاردى ەسەپكە قويۋ ءۇشىن مىناداي قۇجاتتار ۇسىنىلۋى قاجەت (اقپاراتتىق جۇيەلەردەن الۋعا بولاتىن قۇجاتتاردى ازاماتتاردان تالاپ ەتۋگە جول بەرىلمەيدى):

1) وسى قاعيدالارعا 1-قوسىمشاعا سايكەس نىسان بويىنشا ءوتىنىش بەرۋشىدە جانە ۇنەمى ونىمەن بىرگە تۇراتىن وتباسى مۇشەلەرىندە وسى ەلدى مەكەندە تۇراقتى پايدالانۋدا كوممۋنالدىق تۇرعىن ءۇي قورىنان بەرىلگەن تۇرعىن ءۇيدىڭ بار نەمەسە جوق ەكەنىن جەرگىلىكتى اتقارۋشى ورگاننىڭ تەكسەرۋىنە كەلىسىمى كورسەتىلگەن كوممۋنالدىق تۇرعىن ءۇي قورىنان بەرىلەتىن تۇرعىن ۇيگە مۇقتاج ازاماتتاردى ەسەپكە قويۋ تۋرالى ءوتىنىش;

2) ءوتىنىش بەرۋشىنىڭ جەكە باسىن كۋالاندىراتىن قۇجات ء(وتىنىش بەرۋشىنىڭ جەكە باسىن سايكەستەندىرۋ ءۇشىن ۇسىنىلادى) جانە ءوتىنىش بەرۋشىمەن ۇنەمى بىرگە تۇراتىن وتباسى مۇشەلەرىنىڭ (بولعان جاعدايدا) جەكە باسىن كۋالاندىراتىن قۇجاتتاردىڭ كوشىرمەلەرى;

3) ازاماتتىق حال اكتىلەرىن (تۋ, قايتىس بولۋ, نەكە قيۋ (ەرلى-زايىپتى بولۋ), نەكەنى (ەرلى-زايىپتىلىقتى) بۇزۋ, بالا اسىراپ الۋ, اكە (انا) بولۋدى انىقتاۋ, اتىن, اكەسىنىڭ اتىن جانە تەگىن وزگەرتۋ) مەملەكەتتىك تىركەۋ تۋرالى كۋالىكتەردىڭ كوشىرمەلەرى.

ءوتىنىش بەرۋشىنىڭ وتباسى مۇشەلەرى دەپ باسقا ادامدار تانىلعان جاعدايلاردا, سوڭعىلارى ولاردى ءوتىنىش بەرۋشىنىڭ وتباسى مۇشەلەرى دەپ تانۋ تۋرالى سوت شەشىمىنىڭ كوشىرمەسىن ۇسىنادى;

4) ءوتىنىش بەرۋشىدە جانە ونىمەن ۇنەمى بىرگە تۇراتىن وتباسى مۇشەلەرىندە جىلجىمايتىن م ۇلىكتىڭ بولماۋى (بولۋى) تۋرالى اۋماقتىق ادىلەت ورگانىنىڭ انىقتامالارى.

ءوتىنىش بەرۋشىدە جانە/نەمەسە ونىڭ وتىنىشكە ەنگىزىلگەن وتباسى مۇشەلەرىندە جەكە مەنشىك قۇقىعىندا تۇرعىن ۇيدەگى ۇلەسى بولعان كەزدە قۇقىق بەلگىلەۋشى قۇجاتتاردىڭ كوشىرمەلەرى ۇسىنىلادى;

5) مەكەنجاي انىقتاماسى نە ءوتىنىش بەرۋشىنىڭ تۇرعىلىقتى تۇراتىن جەرى بويىنشا تىركەلگەنىن راستايتىن اۋىل اكىمدەرىنىڭ انىقتاماسى;

6) حالىقتىڭ الەۋمەتتىك جاعىنان ءالسىز توپتارىنا جاتاتىن ازاماتتار قوسىمشا ءوتىنىش بەرۋشىنىڭ (وتباسىنىڭ) حالىقتىڭ الەۋمەتتىك جاعىنان ءالسىز توپتارىنا جاتاتىنىن راستايتىن قۇجاتتى, سونداي-اق وتباسىنىڭ ءاربىر مۇشەسىنە (مۇگەدەك بالالارى بار نەمەسە ولاردى تاربيەلەيتىن وتباسىلاردى قوسپاعاندا) سوڭعى ون ەكى اي ىشىندەگى تابىسى تۋرالى مالىمەتتەردى ۇسىنادى;

7) مەملەكەتتىك قىزمەتشىلەر, بيۋدجەتتىك ۇيىمداردىڭ قىزمەتكەرلەرى, اسكەري قىزمەتشىلەر, ارناۋلى مەملەكەتتىك ورگانداردىڭ قىزمەتكەرلەرى جانە مەملەكەتتىك سايلانبالى قىزمەت اتقاراتىن ادامدار جۇمىس ورنىنان (قىزمەتتەن) انىقتامانى قوسىمشا ۇسىنادى. عارىشكەرلىككە كانديداتتار, عارىشكەرلەر قازاقستان رەسپۋبليكاسىنىڭ ۇكىمەتى بەرەتىن مارتەبەسىن راستايتىن قۇجاتتى ۇسىنادى;

8) جالعىز تۇرعىن ءۇيى اۆاريالىق جاعدايدا دەپ تانىلعان ازاماتتار جەرگىلىكتى اتقارۋشى ورگاننىڭ ءتيىستى انىقتاماسىن ۇسىنادى;

9) وتباسى تۇراتىن تۇرعىن ءۇي بەلگىلەنگەن سانيتاريالىق-ەپيدەميولوگيالىق تالاپتارعا ساي كەلمەگەن جاعدايدا, ءوتىنىش بەرۋشى سانيتاريالىق-ەپيدەميولوگيالىق قىزمەت ۇيىمى جۇرگىزگەن سانيتاريالىق-ەپيدەميولوگيالىق ساراپتامانىڭ ناتيجەلەرى بويىنشا حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى ۋاكىلەتتى ورگاننىڭ اۋماقتىق بولىمشەسى بەرگەن سانيتاريالىق-ەپيدەميولوگيالىق قورىتىندىنىڭ تۇپنۇسقاسىن قوسىمشا ۇسىنادى;

10) وتباسى تۇراتىن تۇرعىن ءۇي بەلگىلەنگەن تەحنيكالىق تالاپتارعا ساي كەلمەگەن جاعدايدا, ءوتىنىش بەرۋشى ساۋلەت, قالا قۇرىلىسى جانە قۇرىلىس قىزمەتى سالاسىنداعى اتتەستاتتالعان ساراپشىنىڭ تەحنيكالىق قورىتىندىسىنىڭ (تۇرعىن ءۇيدى تەحنيكالىق زەرتتەپ-تەكسەرۋ ناتيجەلەرى بويىنشا) تۇپنۇسقاسىن قوسىمشا ۇسىنادى;

11) جاپسارلاس, وقشاۋلانباعان تۇرعىن ءۇي-جايلاردا ەكى جانە ودان كوپ وتباسى تۇرىپ جاتقان جاعدايدا, ءوتىنىش بەرۋشى ءوزى تۇراتىن تۇرعىن ءۇي-جايدىڭ تەحنيكالىق پاسپورتى مەن قۇقىق بەلگىلەيتىن قۇجاتىنىڭ كوشىرمەلەرىن قوسىمشا ۇسىنادى;

12) وتباسى قۇرامىندا كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ناۋقاستار بار, ءبىر ءۇي-جايدا (پاتەردە) ولارمەن بىرگە تۇرۋ مۇمكىن بولماعان جاعدايدا ءوتىنىش بەرۋشى ءتيىستى اۋرۋ ءتۇرىن راستايتىن قۇجاتتى قوسىمشا ۇسىنادى.

جۇمىس ورنى بويىنشا ەسەپكە قويۋ ءۇشىن مەملەكەتتىك كاسىپورىننىڭ نە مەملەكەتتىك مەكەمەنىڭ تۇرعىن ءۇي قورىنان بەرىلەتىن تۇرعىن ۇيگە مۇقتاج ازاماتتار وسى قاعيدالارعا 2-قوسىمشاگا سايكەس نىسان بويىنشا ءوتىنىشتى, سونداي-اق وسى تارماقتىڭ 2), 3), 4) جانە 5) تارماقشالارىندا كورسەتىلگەن قۇجاتتاردى جانە ءوتىنىش بەرۋشىدە جانە ۇنەمى ونىمەن بىرگە تۇراتىن وتباسى مۇشەلەرىندە وسى ەلدى مەكەندە تۇراقتى پايدالانۋدا كوممۋنالدىق تۇرعىن ءۇي قورىنان بەرىلگەن تۇرعىن ءۇيدىڭ بار نەمەسە جوق ەكەنى تۋرالى جەرگىلىكتى اتقارۋشى ورگاننىڭ انىقتاماسىن ۇسىنادى.».

2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

قازاقستان رەسپۋبليكاسىنىڭ پرەمەر-ءمينيسترى  ب.ساعىنتاەۆ