«بۇل كونۆەنتسيانى وتكىزۋ مىندەتى قازاقستان كاسىپقوي بوكس فەدەراتسياسى مەن WBC باسشىلارىنا جۇكتەلدى. شارا شامامەن 25 ماۋسىم مەن 1 قىركۇيەك ارالىعىندا وتەدى. كونۆەنتسيا حالىقارالىق EXPO كورمەسىنىڭ اياسىندا وتەدى. وعان مەتسەناتتار, ساراپشىلار, بوكس جۇلدىزدارى قاتىسادى. قۇرمەتتى قوناقتاردىڭ قاتارىندا امەريكالىق بوكسشى كىشى فلويد مەيۋەزەر مەن لەيلا الي بار», – دەدى ەرلان بەكحوجين.
«ءالى ەسىمدە كليچكونىڭ «ەگەر ۋكراينا پرەزيدەنتى بولسام, ءبىرىنشى بولىپ كيەۆتە WBC جينىن وتكىزەمىن», دەگەن ەدى. 55-ءشى كونۆەنتسيا ءۇشىن اقش جانە حورۆاتيا ەلدەرى نيەت تانىتقان, بىراق ونى وتكىزۋ ءبىزدىڭ ەلگە بۇيىردى. ۇيىم باسشىلىعى بۇل جيىندى تامىزدا وتكىزۋگە مۇمكىندىك بەردى», – دەيدى بەكحوجين.
وسىعان دەيىن 55-ءشى كونۆەنتسياعا ايگىلى بوكسشى مايك تايسوننىڭ كەلەتىنى حابارلانعان بولاتىن.
ايتا كەتەيىك, استانانىڭ بۇل شارانى وتكىزۋ قۇقىعىنا يە بولعانى وتكەن جىلدىڭ جەلتوقسان ايىندا بەلگىلى بولدى.