ۇلىبريتانيا پرەمەر-ءمينيسترى تەرەزا مەي ەلدىڭ ەۋرووداق قۇرامىنان شىعۋ پروتسەسىن باستايتىن حاتقا قول قويدى.
قۇجات ەندى ەۋروپالىق كەڭەس توراعاسى دونالد تۋسككە بۇگىن جىبەرىلەدى. وسىدان كەيىن تەرەزا مەي مينيسترلەرمەن كەزدەسىپ, پارلامەنتتە ءسوز سويلەيدى. ال 29 ساۋىردە ۇلىبريتانيانىڭ قاتىسۋىنسىز ەۋرووداق باسشىلارىنىڭ ءسامميتى وتەدى.
شارادا ۇيىم ەۋروكوميسسياعا كەلىسسوز جۇرگىزۋگە وكىلەتتىك بەرىپ, ول كەلىسسوز جوسپارىن دايارلاپ, جاريالاۋى ءتيىس.
ايتا كەتەيىك, وتكەن جىلى ۇلىبريتانيادا ەۋرووداق قۇرامىنان شىعۋ جونىندە رەفەرەندۋم وتكەن. وندا ۇيىمنان شىعۋدى قولداعاندار جەڭىسكە جەتتى. وسىعان بايلانىستى اقپان ايىندا ۇكىمەت ءوز جوسپارىن جاريالاعان. وعان سايكەس ۇلىبريتانيا ورتاق نارىقتان شىعىپ, جاڭا كەدەن ءتارتىبىن ەنگىزەدى.