الماتىدا ەكى اپتادان كەيىن ەلەكتراۆتوبۋستار سىناق تارتىبىندە جۇرە باستايدى. بۇل تۋرالى "الماتىداعى ەلەكتركولىك. شولۋ مەن پەرسپەكتيۆالار" اتتى دوڭگەلەك ۇستەل بارىسىندا بەلگىلى بولدى.
اۆتوبۋستار ازىرشە ترامۆاي دەپوسىندا قۋات الادى.
"اۆتوبۋس تاڭدا جەلىگە شىعۋى ءۇشىن قۋات الۋى كەرەك, ياعني بەلگىلى ءبىر قۋات كەرەك. مەنىڭ بىلۋىمشە, ەلەكتراۆتوبۋستاردىڭ قۋاتى 70 شاقىرىمعا جەتەدى. سايكەسىنشە, ول ءار اينالىمدا قۋات الىپ وتىرۋى كەرەك. سوندىقتان سوڭعى ايالدامالاردا قۋات كوزى بولۋى ءتيىس. قازىر ءبىز قۋات كوزىن قايدا ورناتۋعا بولاتىنىن ىزدەستىرىپ جاتىرمىز, سوندىقتان اۆتوبۋستاردىڭ ناقتى باعىتى ءالى انىقتالمادى", - دەدى "الماتىەلەكتركولىك" جشس جەتەكشىسى ريزۆان تسيناەۆ. ونىڭ ايتۋىنشا, قىتايدى ەسەپتەمەگەندە, باسقا ەلدەردە ەلەكتراۆتوبۋستارىن جاپپاي قولدانۋ تاجىريبەسى ءالى ەنگىزىلمەگەن.