«قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسى سپورت تۇرلەرىن قارجىلاندىرۋ ماقساتىندا ازىرلەندى. بۇل تۋرالى پارلامەنت ءماجىلىسىنىڭ دەپۋتاتى ناتاليا جۇمادىلداەۆا تومەنگى پالاتانىڭ جالپى وتىرىسىندا مالىمدەدى, دەپ حابارلايدى strategy2050.kz.
قر دەنە شىنىقتىرۋ جانە سپورت تۋرالى زاڭ جوباسىنىڭ جوباسى بيىلعى جىلعى 1 ناۋرىزدا قر ءماجىلىسىنىڭ جالپى وتىرىسىندا ماقۇلداندى.
«زاڭ جوباسىنىڭ نەگىزگى ماقساتى دەنە شىنىقتىرۋ مەن سپورتتى قارجىلاندىرۋدىڭ قولدانىستاعى جۇيەسىن جەتىلدىرۋ, قارجىلاندىرۋ جۇيەسىنىڭ ايقىندىلىعى مەن ناقتىلىعىن ارتتىرۋ بولىپ تابىلادى.سپورت تۇرلەرى بويىنشا قارجىلاندىرۋدى ءبولۋدىڭ قولدانىستاعى ءتارتىبى تيىمدىلىك پەن وبەكتيۆتىلىكتىڭ تومەن دەڭگەيىمەن سيپاتتالادى. قازاقستان رەسپۋبليكاسىنىڭ وڭىرلەرىندە سپورتتى قارجىلاندىرۋ نەگىزىنەن سپورتتىڭ ويىن تۇرلەرىنە باعىتتالعان», - دەدى دەپۋتات.
زاڭ جوباسى قابىلدانعان جاعدايدا رەسپۋبليكالىق جانە وبلىستىق دەڭگەيلەردە سپورت تۇرلەرىن ناقتى جانە دەربەس قارجىلاندىرۋدى بولۋگە كەپىلدىك بەرەتىن سپورتتى قارجىلاندىرۋدىڭ جەكە مودەلى ازىرلەنەتىن بولادى.
«بيۋدجەتتىك قاراجاتتى ء بولۋ كەزىندە سپورتتى سارالاۋ باسىمدىلىققا الىنادى. نەگىزگى تالاپ – حالىقارالىق جارىستارداعى سپورتتىق جەتىستىكتەر, ۇلتتىق-مادەني ءداستۇرلى سپورت ءتۇرى, كادرلىق الەۋەتتىڭ سانى مەن ماتەريالدىق-تەحنيكالىق بازا», - دەدى ول.
زاڭ جوباسىمەن جۇمىس كەزىندە دەپۋتاتتار بىرقاتار ۇسىنىستار ەنگىزدى. ماجىلىسمەندەر جوبانى ەكىنشى وقىلىمدا ماقۇلدادى.