ورتا سالماقتا WBC, WBA (Super), IBF جانە IBO نۇسقالارى بويىنشا الەم چەمپيونى
گەننادي گولوۆكيننىڭ (37-0, 33 كو) وكىلى جانار وتەشەۆا WBO بەلبەۋىنىڭ يەگەرى بيللي دجو سوندەرسپەن (24-0, 12 كو) ءوتۋى مۇمكىن جەكپە-جەك جايلى پىكىر ءبىلدىردى. بۇل تۋرالى sports.kz حابارلادى.
«استانادا تاريحي بوكس كەشى ءوتۋى مۇمكىن. سەبەبى, ون جىلدىڭ ىشىندە العاش رەت ءابسوليۋتتى الەم چەمپيونى اتاعى ساراپقا سالىنباق. گەننادي گولوۆكيننىڭ ارمانىنىڭ ورىندالۋىنا ءبىر-اق قادام قالدى. GGG بۇل جەكپە-جەكتى ءوز ەلىندە, ءوز جانكۇيەرلەرىنىڭ الدىندا وتكىزگىسى كەلەتىنىن جاسىرمادى. ءابسوليۋتتى الەم چەمپيونى اتانۋ ءۇشىن بوكسشىمىز ۇلكەن سىناقتاردان ءوتتى», – دەدى جانار وتەشەۆا.
«ارينە, ايتۋلى شارا بولعاندىقتان ءتۇرلى سىبىستار ايتىلادى. كەزدەسۋدىڭ وتەتىن كۇنى, ورنى بەلگىسىز. گولوۆكيننىڭ كومانداسى مۇمكىندىكتىڭ ءبارىن جاسادى. كوپ نارسە ۇيىمداستىرۋشىلارعا بايلانىستى بولعاندىقتان ازىرگە ەشنارسە شەشىلمەي تۇر», – دەدى ول.