2015 جىلى ەلدەگى ءىرى بيزنەس 900 ملرد تەڭگە شىعىندالسا, 2016 جىلى بۇل كورسەتكىش كەرىسىنشە 6,4 ترلن تەڭگە تابىس بولىپ كىردى, دەپ حابارلايدى finprom.kz.
وسىلايشا, ينفلياتسياعا قاراماستان, ءىرى جانە ورتا بيزنەس ءوز تابىستارىن قايتا قالپىنا كەلتىرە باستادى. اتالعان كورسەتكىش 2009-2010 جىلدارداعى داعدارىستان كەيىنگى 2011 جىلعى تابىسپەن تەڭ.
جالپى, وتكەن جىل بيزنەس ءۇشىن پايدالى بولدى. ءتىپتى شاعىن كاسىپتىڭ ءوزى 2 ترلن تەڭگە تابىس تاپتى. ال 2015 جىلى شاعىن كاسىپ جىلدى “مينۋسپەن” اياقتاعان ەدى.
الايدا, تابىستىڭ كوبەيۋى ناقتى قارجىلىق تابىس تاپقان بەلسەندى ءىرى جانە ورتا بيزنەستىڭ ورتاشا سانىنا بايلانىستى بولىپ تۇر. 2016 جىلى مۇناي بيزنەس سانى 4 مىڭ بولسا, بۇل 2015 جىلعى كورسەتكىشتەن 41 پايىزعا از.
100 ادامنان ارتىق جۇمىس ىستەيتىن كاسىپورىنداردىڭ تابىس تاپقانىنىڭ سانى 2016 جىلى 36 پايىزعا ازايسا, شىعىنعا ۇشىراعانى 48 پايىزعا تومەندەدى. دەگەنمەن, سالىستىرمالى تۇردە پايدا تاپقان كاسىپورىن سانى شىعىندالعانعا قاراعاندا كوبىرەك. ولاردىڭ سانى تيىسىنشە, 2,6 مىڭ جانە 1,5 مىڭ.
جالپى, ءىرى جانە ورتا بيزنەستىڭ جالپى جىلدىق تابىسى 2016 جىلى 40 ترلن تەڭگەگە جەتتى. سونىڭ ىشىندە نەگىزگى تابىس تابۋشىلار ساتۋ مەن قىزمەت كورسەتۋ سالاسىنداعىلار.