كونفەرەنتسيانىڭ جوعارعى دەڭگەيلى سەگمەنتىندە جاساعان مالىمدەمەسىندە قازاقستاندىق ديپلومات كونفەرەنتسيانىڭ قاتىسۋشىلارىن ەلىمىزدىڭ يادرولىق قارۋسىزداندىرۋ سالاسىندا اتقارىپ جاتقان ارەكەتتەرى تۋرالى باياندادى. سونداي-اق, قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ بۇۇ باس اسسامبلەياسىنىڭ 70-ءشى سەسسياسىندا جاريا ەتىلگەن 2045 جىلى ۇيىمنىڭ ءجۇز جىلدىعىنا وراي يادرولىق قارۋدان ازات الەم قۇرۋ تۋرالى باستاماسىنىڭ جانە ەلباسىنىڭ «الەم. ءححى عاسىر» مانيفەسىنىڭ ماڭىزدىلىقتارى ايتىلىپ ءوتىلدى.
سونىمەن قاتار, قازاقستاندىق دەلەگاتسيا وكىلدەرىمەن قۇرىلىپ جاتقان حالىقارالىق قۇجات ءماتىنىنىڭ جوباسىنا ءوزىنىڭ دەرەكتى ۇسىنىستارى ۇسىنىلدى.
بۇۇ باس اسسامبلەياسىنىڭ 2016 جىلعى 23 جەلتوقسانداعى A/RES/71/258 قارارىنا ءسايكەس يادرولىق قارۋدىڭ تۇبەگەيلى جويىلۋىنا اكەلەتىن يادرولىق قارۋعا تىيىم سالۋ تۋرالى زاڭدىق مىندەتتەۋشى كۇشى بار قۇجات ازىرلەۋ بويىنشا بۇۇ كونفەرەنتسياسى نيۋ-يورك قالاسىندا 2017 جىلعى 27-31 ناۋرىز جانە 15 ماۋسىم-7 شىلدە ارالىعىندا وتەدى.