ورتالىق كوممۋنيكاتسيالار قىزمەتىندە وسى مەكەمەنىڭ رەسمي وكىلى مۇرات جۇمانبايدىڭ اپتا سايىنعى بريفينگى ءوتتى.
بريفينگ بارىسىندا ينۆەستيتسيا جانە دامۋ مينيسترلىگىنىڭ وكىلى سوڭعى كەزدە اشىلعان جاڭا تەمىر جول باعىتتارى تۋرالى ايتتى.
–سوڭعى ۋاقىتتا «استانا-تاشكەنت» باعىتى بويىنشا تەمىر جول ىسكە قوسىلدى. بۇل باقىتتا «تالگو» جۇردەك پويىزى قاتىنايدى. الداعى كەزدە تاعى دا كوپتەگەن تەمىر جولداردى اشۋدى جوسپارلاپ وتىرمىز. بيىل ەلىمىز بويىنشا قوسىمشا 14 باعىتتا تەمىر جول اشىلادى. قازىر پويىزدارىمىز 44 باعىتتا قاتىنايدى, – دەدى ول.
ول «استانا-تاشكەنت» تەمىر جولىن ەلىمىزدە جۇرگىزىلىپ جاتقان ەكونوميكالىق رەفورمالاردىڭ جەمىسى ەكەنىن, قازىر كولىك-لوگيستيكا سالاسىندا جاڭا جولدار عانا اشىلىپ قويماي, جولاۋشىلار ۆاگوندارىنىڭ كۇردەلى جوندەۋدەن ءوتىپ, جاڭا پويىزداردىڭ ساتىپ الىنىپ جاتقانىن اتاپ كورسەتتى.
داستان كەنجالين, «ەگەمەن قازاقستان»