بيىلعى جىلى استانادا وتەتىن ەكسپو-2017 حالىقارالىق كورمەسىندە قىتاي پاۆيلوندارىنىڭ اۋقىمى باسقالارىمەن سالىستىرعاندا ۇلكەن. بۇل تۋرالى قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى چجان حانحۋەي قازاقستاندىق باق وكىلدەرىمەن كەزدەسۋىندە ايتتى.
– ءبىزدىڭ پاۆيلوندارىمىزدىڭ اۋقىمى باسقالارىمەن سالىستىرعاندا ۇلكەن. سونىمەن قاتار, ءبىز ونى جابدىقتاۋدى دا باسقا ەلدەردەن بۇرىن باستادىق,– دەدى چجان حانحۋەي مىرزا جۋرناليستەرگە بەرگەن سۇحباتىندا.
ەلشى قازاقستانعا كەلەتىن قىتايلىق تۋريستەردىڭ سانى تۋرالى ناقتى دەرەك ايتپادى. ونىڭ سوزىنە قاراعاندا, قازىر تۋريستىك وپەراتورلار وسى ىسكە جۇمىلىپ جاتىر. قىتايلىقتار قازاقستاننىڭ تابيعاتى, ساياحاتتايتىن كورىكتى جەرلەرى, تاريحي ورىندارى تۋرالى قازىر ءبىرشاما حاباردار بولدى.