قازاقستان باسشىسى سوڭعى ايدىڭ ىشىندە ەكى ەل اراسىنداعى قارىم-قاتىناستىڭ قانشالىق جەتىستىكتەرگە جەتكەنى تۋرالى اڭگىمەلەدى.
«كەيىنگى ۋاقىتتا ءبىزدىڭ قارىم-قاتىناس مۇلدەم باسقاشا دامي باستادى. سوڭعى بەس ايدىڭ وزىندە ەكى ەل اراسىنداعى ساۋدا اينالىمى ەكى جاقتان دا 30 پروتسەنتكە ءوستى. ونىڭ ىشىندە بۇرىن جەتكىزىلمەگەن جاڭا تاۋارلار دا بار. جاڭادان ءتورت ساۋدا ءۇيى اشىلدى. بۇعان دەيىنگى ۋاقىتتىڭ بارىمەن سالىستىرعاندا استىقتى 30 پروتسەنتكە, وزبەك جەمىسى مەن كوكونىسىن 25 پروتسەنتكە كوبىرەك كىرگىزدىك. بۇل وزبەكستان جاڭا باسشىلىعىنىڭ ساۋدانى دامىتۋعا بارلىق مۇمكىندىك بەرگەنى جانە كەدەرگىلەردى الىپ تاستاعانى ارقاسىندا بولدى» دەدى قازاقستان پرەزيدەنتى.
نۇرسۇلتان نازارباەۆ ەكى ەل اراسىندا ەشقانداي پروبلەما جوق ەكەنىن ايتتى. «وزبەكستان مەن قازاقستان اراسىندا بۇگىندە مەيلى تەرريتوريالىق, مەيلى شەكارالىق, مەيلى ساياسي, مەيلى ەكونوميكالىق بولسىن, شەشىلمەگەن ەشقانداي ماسەلە جوق. ءبىز قازىر جاڭا اشىلعان تازا پاراق سياقتىمىز. ونى ەندى حالىقتارىمىزدىڭ يگىلىگىنە ارنالعان يگى ىستەرمەن تولتىرۋىمىز كەرەك» دەدى ەلباسى.