جۇزدەسۋ بارىسىندا سويلەگەن قازاقستان باسشىسى ەكى ەل اراسىندا جاڭا تاريحتا بولماعان دارەجەدە ءىرى سومادا ىسكەرلىك كەلىسىمدەرگە قول قويىلعالى وتىرعانىن ايتتى.
«مەن ءسىزدى قازاقستان جەرىندە شىن جۇرەكتەن, باۋىر رەتىندە قارسى الام. ءبىز ءسىزدى كۇتكەن ەدىك. بۇل – ءسىزدىڭ پرەزيدەنت رەتىندەگى العاشقى ساپارىڭىز. ءسىزدى وزبەك حالقى پرەزيدەنت سايلاۋىنا بايلانىستى قۇتتىقتايمىز. وزبەكستان بىزگە ستراتەگيالىق ارىپتەس, كورشى ءارى باۋىرلاس ەل. ءبىزدىڭ حالقىمىز سىزدەرگە دامۋ جانە بەرەكە تىلەيدى. بولاشاقتا دا ەكونوميكالىق جانە مادەني-گۋمانيتارلىق بايلانىستاردى دامىتۋ ىسىندە ءبىز وزبەكستانعا جانە جەكە وزىڭىزگە سەنىم ارتامىز. ساپارىڭىز تابىستى بولۋى ءۇشىن بارلىعىن جاسايمىز» دەدى نۇرسۇلتان نازارباەۆ وزبەكستان باسشىسىنا.
نازارباەۆ ەكىجاقتى كەلىسسوزدەر كەزىندە 75 كەلىسىمگە قول قويىلعالى وتىرعانىن ايتتى. "كەلىسسوزدەردى كەشە باستاپ كەتتىك. شەكارانى كولىكتەرگە, ساۋدا-ساتتىققا اشۋدىڭ ارقاسىندا ەكى ەل اراسىندا ساۋدا تەز ءوستى. ونىمدەردىڭ جاڭا تۇرلەرىن جەتكىزە باستادىق. ءىرى بيزنەس-فورۋم ءوتىپ جاتىر. وعان ەكى ەلدەن 500 كاسىپكەر قاتىسۋدا. ماعان ايتۋلارىنا قاراعاندا, قۇنى ميلليارد دوللارلىق 75 كەلىسىم-شارتقا قول قويىلعالى وتىر. بۇل جاڭا تاريحىمىزدا العاش رەت بولعالى وتىرعان جەتىستىك» دەدى قازاقستان باسشىسى.