مەملەكەت باسشىسى نۇرسۇلتان نازارباەۆ گەننادي گولوۆكينگە WBA (Super), WBC, IBO جانە IBF تۇجىرىمدارى بويىنشا كاسىپقويلار اراسىنداعى بوكستان الەم چەمپيونى اتاعىن قورعاپ قالۋىنا بايلانىستى قۇتتىقتاۋ جولدادى, دەپ حابارلادى اقوردانىڭ ءباسپاسوز قىزمەتى.
قازاقستان پرەزيدەنتى نۇرسۇلتان نازارباەۆ گ.گولوۆكيننىڭ قارىمدى قارسىلاسپەن جانتالاسقان جەكپە-جەكتە اسقان شەبەرلىك, قاجىماس قايرات جانە ناعىز سپورتشىعا ءتان مىنەز كورسەتىپ, چەمپيوندىق اتاقتارىن تاعى دا لايىقتى قورعاپ قالعانىن اتاپ ءوتتى.
«سەنىڭ جەڭىسىڭ بارشا قازاقستاندىقتارعا زور قۋانىش سىيلاپ, ولاردىڭ جۇرەگىن ەلىمىزگە جانە وتاندىق بوكس مەكتەبىنە دەگەن ماقتانىش سەزىمىنە بولەدى», – دەلىنگەن قۇتتىقتاۋدا.
سوڭىندا نۇرسۇلتان نازارباەۆ گ.گولوۆكينگە مىقتى دەنساۋلىق تىلەپ, سپورتتا جاڭا جەتىستىكتەرگە جەتۋىنە نيەتتەستىك ءبىلدىردى.