الماتىدا فۋتزالدان ۋەفا كۋبوگىنىڭ تورتتىك فينالى وتەدى

بۇل باسەكە 28-30 ءساۋىر ارالىعىندا «الماتى ارەنا» سپورت سارايىندا وتەدى. وعان «سپورتينگ» (پورتۋگاليا), «ينتەر» (يسپانيا), «گازپروم-يۋگرا» (روسسيا) جانە «قايرات» افك (قازاقستان) كوماندالارى قاتىسىپ, ەۋروپانىڭ باستى تيتۋلى ءۇشىن سايىسادى.

 «قايراتتىڭ» قاقپاسىن الەمنىڭ ەڭ ۇزدىك قاقپاشىسى يگيتا قورعاسا, «سپورتينگ» ساپىندا الماتىلىق جانكۇيەرلەردىڭ سۇيىكتى ويىنشىلارىنىڭ ءبىرى لەو وينايدى. ال «يۋگرا» قۇرامىندا رەسەيلىك فۋتزالدىڭ جارىق جۇلدىزدارىنىڭ ءبىرى ەدەر ليما ونەر كورسەتەدى. سونىمەن قاتار «ينتەردە» الەمنىڭ ۇزدىك فۋتزالشىسى ريكاردينو بار.

 ويىن كەستەسى:

 28 ءساۋىر 2017 ج.

 «گازپروم-يۋگرا» - «سپورتينگ» 18:00 

«ينتەر موۆيستار» - «قايرات» 20:00 

30 ءساۋىر 2017 ج. 

ءۇشىنشى ورىن ءۇشىن وتەتىن ويىن - 17:00

 فينال - 19:00.