ۇلىبريتانيا پرەمەر-ءمينيسترى تەرەزا مەي 29 ناۋرىزدا كورولدىكتىڭ ەۋرووداق قۇرامىنان شىعۋ ۇدەرىسىن باستايدى, دەپ حابارلايدى حابار 24 تەلەارناسى.
بۇل تۋرالى تۇماندى البيوننىڭ ەۋرووداقتاعى تۇراقتى وكىلى تيم بارروۋ ەۋروكەڭەس باسشىلارىنا مالىمدەگەن. بۇعان دەيىن بريتانيا ۇكىمەتى وداقتان شىعۋ ۇدەرىسىنىڭ ناۋرىز ايىنىڭ سوڭىنا دەيىن باستايتىنىن ايتقان.
ەستەرىڭىزگە سالا كەتسەك, 14 ناۋرىزدا اتالمىش قۇجاتتى پارلامەنت ماقۇلداعان بولاتىن. ۇلىبريتانيانىڭ Brexit ماسەلەلەرى جونىندەگى ءمينيسترىنىڭ مالىمدەۋىنشە, ۇكىمەت 2016 جىلدىڭ ماۋسىمىنداعى حالىق تاڭداۋىن رەسمي تۇردە ورىنداۋعا كەلەسى سارسەنبىدە كىرىسەدى. ال جالپى كەلىسسوزدەر ەكى جىلعا سوزىلۋى مۇمكىن.