الدىن-الا مالىمەتتەر بويىنشا بۇل WBC International بەلبەۋى بولۋى مۇمكىن.
«ەندى 22 ساۋىردەن كەيىن شارشى الاڭعا شىعۋدى جوسپارلاپ ءجۇرمىن. مەنەدجەرىم سەرگەي زاۆيلەيسكي WBC International تيتۋلى ءۇشىن كەزدەسۋ وتكىزۋىمە رۇقسات بەرىلگەنىن ايتتى. قازىرگى ۋاقىتتا بوكس كەشىنىڭ كۇنى مەن وتەتىن ورنىن قاراستىرىپ جاتىرمىز. بۇل كەزدەسۋ قازاقستاندا, رەسەيدە نەمەسە يسپانيادا ءوتۋى مۇمكىن. ارينە, مەن ءوز ەلىمدە وتكەنىن قالايمىن. سونىمەن قاتار, رەيتينگى جوعارى ەكى بوكسشىنى قاراستىرۋدامىز. وسى ەكەۋىنىڭ ءبىرىن تاڭدايمىز. جاقىندا ءبارى بەلگىلى بولادى», - دەدى فيرۋزا ءشارىپوۆا.
ايتا كەتەيىك, قازاقستاندىق بىلعارى قولعاپ شەبەرى سوڭعى رەت 4 ناۋرىزدا ماسكەۋدە رەسەيلىك يۋليا چەرنوبورودوۆامەن جۇدىرىقتاسىپ, تورەشىلەردىڭ شەشىمىمەن جەڭىسكە جەتكەن بولاتىن. وسى ايقاستىڭ الدىندا جەرلەسىمىز سپاررينگ-جاتتىعۋ كەزىندە مۇرنىنان جاراقات الىپ قالعان. يۋليا چەرنوبورودوۆامەن كەزدەسۋىنەن كەيىن دارىگەرلەر كەم دەگەندە ءۇش اپتاداي جۇدىرىقتاسۋعا بولمايتىنىن ەسكەرتكەن بولاتىن.
رەسەي استاناسىنا كەلگەن كىشى فلويد مەيۋەزەر شارىپوۆاعا اقىل-كەڭەستەرىن ايتىپ, ساتتىلىك تىلەدى.