ناتيجەسىندە «اتامەكەن-ورداباسى» يندۋستريالدى پاركى قۇرىلىپ, كاسىپكەرلەرگە بىرقاتار تەگىن قىزمەتتەر جيىنتىعى ۇسىنىلادى. بۇل تۋرالى وبلىس اكىمى جانسەيىت تۇيمەباەۆتىڭ يندۋستريالدى پارككە جاساعان ساپارى بارىسىندا بەلگىلى بولدى.
ايماق باسشىسى كەڭەس داۋىرىنەن قالعان يندۋستريالىق الپاۋىتتىڭ اۋماعىنداعى نىساندار مەن ينفراقۇرىلىمداردىڭ جاقسى ساقتالعانىنا توقتالدى. دەسەك تە, زاۋىتتىڭ ءوزىن قايتا ىسكە قوسۋ قيىن شارۋا. سوندىقتان دا, وبلىس باسشىلىعى زاۋىتتىڭ اۋماعىندا بىرقاتار جاڭا كاسىپورىندار قۇرۋ ماقساتىندا ءوندىرىس نىساندارىن كاسىپكەرلەرگە ەكى ايعا تەگىن بەرۋ ءىسىن قولعا الىپ, جەڭىلدەتىلگەن باعا ساياساتىن ۇسىنباق.
وڭتۇستىك قازاقستان وبلىستىق كاسىپكەرلەر پالاتاسىنىڭ ديرەكتورى اسقار ابۋباكيروۆتىڭ مالىمدەۋىنشە, «اتامەكەن-ورداباسى» يندۋستريالدى پاركى كاسىپكەرلەرگە زاڭگەرلىك جانە بۋحگالتەرلىك قىزمەت كورسەتىپ, ولاردى بيزنەس سالاسىندا وقىتۋدى دا قولعا الماق. سونداي-اق, اتالمىش مەكەمە كاسىپ اشقىسى كەلەتىندەرگە اقپاراتتىق جانە PR قولداۋ كورسەتىپ, جارنامالاۋ, قارجى كوزىن تارتۋعا ات سالىسۋ, بيزنەس-جوسپار جاساۋ سىندى تەگىن قىزمەتتەر جيىنتىعىن قوسا ۇسىنىپ وتىر.
قالا سىرتىندا ورنالاسقان ءوندىرىس ورنىندا اۋىل شارۋاشىلىعى مەن تاماق وندىرىسىنەن وزگە بارلىق سالالار ءۇشىن قولايلى جاعداي جاسالعان. وندا تاۋارلارعا ارنالعان قويما دا بار. بۇگىندە پاركتە 5 جوبا ىسكە اسىرىلىپ جاتىر. وبلىس اكىمى جانسەيىت تۇيمەباەۆ تەگىن قىزمەتتەر جيىنتىعىن ءتۇسىندىرۋ جۇمىستارىن كۇشەيتۋدى تاپسىردى.