ايقاستى تىكەلەي ەفيردە «قازاقستان» جانە «KazSport» تەلەارنالارى كورسەتىپ جاتىر. ساراپشى رەتىندە «قازاقستان» ارناسىنا افينا وليمپياداسىنىڭ چەمپيونى باقتيار ارتاەۆ قاتىسسا, لوندون وليمپياداسىنىڭ جەڭىمپازى سەرىك ساپيەۆ «KazSport»-تا جۇرگىزۋدە. ال كەزدەسۋ اياقتالىسىمەن «KazSport» ارناسىندا ارنايى باعدارلاما ۇيىمداستىرىلادى. بۇل جەردە قوس بوكسشى جەكپە-جەك بارىسىنداعى ساتتەردى تالقىلايتىن بولادى.
قازاقستاندىق بوكسشى بۇل كەزدەسۋدە وزىنە تيەسىلى بارلىق بەلبەۋىن ورتاعا سالدى.
«GGG-گە قارسى كەزدەسۋ ومىرىمدەگى ەڭ ايتۋلى جەكپە-جەك بولايىن دەپ تۇر. بۇل ماعان بەرىلگەن ۇلكەن مۇمكىندىك. ەندى جەڭىسكە جەتۋ ءۇشىن ايانىپ قالماسپىن. وزىمە ءوزىم تولىقتاي سەنىمدىمىن. باسىمنان وتكەن قيىن جاعدايلاردان كەيىن قانداي سىناققا (دەنيەل 2011 جىلى ىسىك اۋرۋىنا شالدىققان) بولسىن دايىنمىن. قازىر ەشنارسەدەن قورىقپايمىن», – دەگەن دەنيەل دجەيكوبس.
بۇل ايقاستا كىم جەڭىسكە جەتۋى مۇمكىن؟
«دەنيەل لايىقتى تۇردە قارسىلىق كورسەتەدى دەپ سەنەمىن. بىراق كەزدەسۋدىڭ ەكىنشى بولىگىندە, ياعني جەتىنشى جانە توعىزىنشى راۋندتاردىڭ اراسىندا گەنناديدىڭ باسىمدىعى سەزىلىپ, دجەيكوبستىڭ وكىلدەرى جەكپە-جەكتى توقتاتۋعا ءماجبۇر بولادى. نەمەسە ول جويقىن سوققىلاردان ەسىنەن تانۋى مۇمكىن», – دەگەن ەدى گولوۆكيننىڭ جاتتىقتىرۋشىسى ابەل سانچەس.
گولوۆكين-دجەيكوبس بوكس كەشىنىڭ اندەركارتىندا كىمدەر جۇدىرىقتاستى؟ ونى مىنا جەردەن بىلە الاسىزدار. ال امەريكالىق بوكسشى جايلى نە بىلەمىز؟