15 ءساۋىر كۇنى «نۇر وتان» حدپ-نىڭ پارلامەنت ماجىلىسىندەگى فراكتسياسى تورالقاسىنىڭ وتىرىسى بولىپ ءوتتى, دەپ حابارلادى ءماجىلىستىڭ ءباسپاسوز قىزمەتى.
وتىرىستا سۋ تاسقىنىنان زارداپ شەككەن باتىس قازاقستان وبلىسىنىڭ تۇرعىندارىنا كومەك كورسەتۋ تۋرالى ماسەلە قارالدى.
جايىق وڭىرىندەگى اپاتتى جاعداي ەشكىمدى دە بەيجاي قالدىرماسى انىق. مەملەكەت باسشىسى, پارتيانىڭ كوشباسشىسى ن.ءا. نازارباەۆتىڭ ۇندەۋىنە قوسىلعان «نۇر وتان» حدپ فراكتسياسىنىڭ تورالقاسى «نۇر وتان» حدپ فراكتسياسى اتىنان سۋ تاسقىنىنان زارداپ شەككەن باتىس قازاقستان وبلىسىنىڭ تۇرعىندارىنا ءبىر كۇندىك ەڭبەكاقى كولەمىندە كومەك كورسەتۋ تۋرالى شەشىم قابىلدادى.
بار جاعدايدى كوزبەن كورىپ, ماسەلەنى شەشۋگە ىقپال جاساۋ ءۇشىن 15 ءساۋىر كۇنى دەپۋتاتتار توبى باتىس قازاقستان وبلىسىنا اتتانىپ كەتتى.