ورتالىق كوممۋنيكاتسيالار قىزمەتىندە پارلامەنت Cەناتىنىڭ دەپۋتاتتارى, كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ توراعاسى سەرىك اقىلباي مەن الەۋمەتتىك- مادەني دامۋ جانە عىلىم كوميتەتىنىڭ حاتشىسى ۆلاديمير رەدكوكاشيننىڭ قاتىسۋىمەن «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭىنا ارنالعان ءباسپاسوز ءماسليحاتى ءوتتى.
بريفينگتە سەنات دەپۋتاتتارى 6 ناۋرىزدا اتالمىش زاڭنىڭ پارلامەنت پالاتالارىنىڭ بىرلەسكەن وتىرىسىندا قابىلداعانىن ايتتى. وسىعان بايلانىستى دەپۋتاتتار اتا زاڭعا ەنگىزىلگەن وزگەرىستەر مەن تۇزەتۋلەردىڭ ءمانى مەن ماڭىزىن ايتىپ, كونستيتۋتسيالىق رەفورماعا قاتىستى ءوز پىكىرلەرىن ءبىلدىردى.
سەنات دەپۋتاتى سەرىك اقىلبايدىڭ ايتۋىنشا, قازىرگى كەزدە ەلىمىز قوعامدىق قاتىناستاردىڭ دامۋىنا قاراي, كەزەڭ-كەزەڭمەن ىلگەرى باسىپ كەلەدى.
-ەلباسى ۇسىنعان كونستيتۋتسيالىق رەفورمانىڭ نەگىزگى ءمانى – مەملەكەتتىك بيلىك تارماقتارى اراسىندا وكىلەتتىكتەردى قايتا ءبولۋ دەپ بىلەمىز. رەفورمانىڭ باستى ماقساتى – پرەزيدەنتتىك بيلىكتىڭ ءرولىن نىعايتا وتىرىپ, اتقارۋشى بيلىك پەن پارلامەنتتىڭ باقىلاۋ فۋنكتسيالارىن كۇشەيتۋ. ءبىزدىڭ ويىمىزشا, ۇسىنىلعان كونستيتۋتسيالىق تۇزەتۋلەر مەملەكەت پەن قوعامنىڭ تاريحي دامۋ قيسىنىنا ساي كەلەدى, – دەدى ول.
سونىمەن بىرگە ول قولدانىستاعى كونستيتۋتسيانىڭ قابىلدانعالى 22 جىلعا ۋاقىت وتكەنىن, وسى ۋاقىتتا ەلىمىز ءوز دامۋىندا وراسان زور جەتىستىكتەرگە جەتكەنىن, قازىر ەلىمىزدىڭ 1995 جىلمەن سالىستىرعاندا مەملەكەت باسشىسى بەلگىلەگەن ستراتەگيالىق باعىت بويىنشا ورنىقتى ءارى كەزەڭ-كەزەڭمەن ىلگەرىلەۋ ارقاسىندا مۇلدەم باسقا ەلگە اينالعانىن اتاپ ءوتتى.
–بۇگىنگى تاڭدا قازاقستان ەۋرازيالىق كەڭىستىكتە الەۋەتتى مۇمكىندىگى زور مەملەكەتكە, ال ورتالىق ازيا ايماعىندا كوشباسشى ەلگە اينالدى. بولاشاقتا ءبىز الەمنىڭ وزىق دامىعان 30 مەملەكەتىنىڭ قاتارىنا كىرۋدى ماقسات ەتىپ وتىرمىز. مەملەكەت باسشىسى ۇسىنعان كونستيتۋتسيالىق رەفورما دەر كەزىندە قولعا الىندى, ول ءارى قاجەتتىلىكتەن تۋىنداپ وتىر دەپ ويلايمىز. ونى ىسكە اسىرۋ ءۇشىن بىزدە بارلىق قاجەتتى زياتكەرلىك جانە رەسۋرستىق الەۋەت جەتكىلىكتى, – دەدى س.اقىلباي.
وسى رەتتە سەنات دەپۋتاتى ازاماتتاردان جاريالانعان جوباعا 6000-عا جۋىق ۇسىنىستاردىڭ, ال كونستيتۋتسيانىڭ بىرقاتار نورمالارىنا حالىق قالاۋلىلارى تاراپىنان 26 تۇزەتۋدىڭ كەلىپ تۇسكەنىن ايتىپ, ولاردىڭ بارلىعى ارنايى قۇرىلعان بىرلەسكەن كوميسسيادا جان-جاقتى قارالعانىن جەتكىزدى.
ودان ءارى ول كوميسسيا جۇمىسىنىڭ قورىتىندىسى بويىنشا پارلامەنت پالاتالارىنىڭ بىرلەسكەن وتىرىسىنىڭ قاراۋىنا كونستيتۋتسياگىڭ 6 بابىنا قوسىمشا تۇزەتۋلەردىڭ ەنگىزىلگەنىن, ولاردى دەپۋتاتتار ءبىراۋىزدان قولداپ, ءتيىستى قاۋلى قابىلداعانىن مالىمدەدى.
–جالپى, پارلامەنت قولدانىستاعى كونستيتۋتسيانىڭ 25 بابىنا 32 تۇزەتۋ ءۇشىن زاڭ قابىلدادى. ول ەلباسىنىڭ قول قويۋىنا ۇسىنىلدى. قازىرگى كەزدە مەملەكەت باسشىسى اتالعان زاڭ جوباسىن كونستيتۋتسيانىڭ 72-بابىنا سايكەس كونستيتۋتسيالىق كەڭەستىڭ قاراۋىنا جىبەردى, – دەدى ول.
كەزدەسۋدە سەنات دەپۋتاتى ۆلاديمير رەدكوكاشين دە «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» زاڭنىڭ ءمانى مەن ماڭىزىن ايتىپ, بۇگىن-ەرتەڭ وعان ەلباسى قول قوياتىن بولسا قازاقستان جاڭا ساياسي تۇرپاتتاعى ەلگە اينالاتىنىن ايتتى.
داستان كەنجالين, «ەگەمەن قازاقستان»