تۋرا 8 ناۋرىز, مەرەكە كۇنى باستالعان ءداستۇرلى تۋرنيرگە قازاقستاننىڭ تاڭداۋلى 6 كومانداسى قاتىسۋدا. كوماندالار ەكى توپقا بولىنگەن: “ا” جانە “ب”. “ا” گرۋپپاسى –“الماتىلىق لەگيون”, “بارسى اتىراۋ”, “توبول”. “ب” گرۋپپاسى – “استانا”, “قاپشاعاي”, “كاسپي”. توپتىق كەزەڭدە ۇزدىك ناتيجە كورسەتكەن كوماندالار اراسىندا ءبىرىنشى جانە ەكىنشى ورىن العاندار جارتىلاي فينالعا جولداما الادى. ءۇشىنشى ورىندى يەلەنگەن ۇجىمدار بەسىنشى ورىندى ساراپقا سالادى.
كۋبوك ۇيىمداستىرۋشىلارى باسكەتبول ويىنىن جاقسى كورەتىن جانكۇيەرلەرىن «دوستىق» سپورت كەشەنىنە شاقىرۋدا. 12 ناۋرىزعا دەيىن جالعاساتىن جارىستار قازىر قىزۋ ءجۇرىپ جاتىر. ال باسقا قالالارداعى سپورتسۇيەر قاۋىم ءتۋرنيردىڭ بارلىق ويىندارىن www.al-bclegion.kz سايتىنان ونلاين رەجىمى ارقىلى كورە الادى.
تۋرنير, كوماندالار كەستەسى, ماتچتاردىڭ ناتيجەلەرى, سونداي-اق كوماندالار مەن ويىنشىلار ستاتيستيكاسى, رەكوردتار مەن جارىستىڭ كوشباسشىسى جايلى تولىق اقپاراتتار جوعارىداعى سايتتاعى تۋرنيرلەر بولىمىندە جەدەل جاريالانۋدا.
ايناش ەسالي, «ەگەمەن قازاقستان».
الماتى