KASE-ءنىڭ كۇندىزگى سەسسياسىنىڭ قورىتىندىسى بويىنشا, بۇگىن, 9 ناۋرىز كۇنى 1 اقش دوللارى 316,88 تەڭگەنى قۇرادى. ەستەرىڭىزگە سالا كەتەيىك, تاڭعى سەسسيادا دوللاردىڭ تەڭگەگە شاققانداعى باعامى 316,76 بولعان ەدى.
ال استانا ۋاقىتىمەن كۇندىزگى ساعات 16:14-تە برەنت ماركالى مۇناي قۇنى 1,32 پايىزعا ارزانداپ, 5238 دوللارعا ءبىر-اق تومەندەدى. ايتا كەتەيىك, بۇل 2016 جىلدىڭ 1 جەلتوقسانىنان بەرگى ەڭ تومەنگى كورسەتكىش رەتىندە تىركەلىپ وتىر.
ەستەرىڭىزگە سالا كەتەيىك, وتكەن جىلدىڭ 29 قاراشاسىنان 1 جەلتوقسانىنا دەيىنگى ارالىقتا برەنت ماركاسىن باعاسى 46 دوللاردان 53-كە كوتەرىلىپ كەتكەن ەدى. وعان جەلتوقساننىڭ باسىنداعى وپەك ەلدەرىنىڭ سامميتىندە قابىلدانعان مۇناي ءوندىرىسىن ازايتۋ تۋرالى شەشىم تۇرتكى بولعان.