شىعىس افريكادا گۋمانيتارلىق ءزىلزالا ءالى جالعاسۋدا. حالىقارالىق قاۋىمداستىقتار ماڭىزدى شارالار قابىلداماسا, ونىڭ اۋقىمى ارتا بەرمەك, دەپ جازادى Anadolu اگەنتتىگى. بۇۇ تاراتقان اقپارات بويىنشا, سومالي, وڭتۇستىك سۋدان, ەفيوپيا, كەنيا, دجيبۋتي, ۋگاندا جانە بۋرۋندي ەلدەرىندەگى قۇرعاقشىلىق, اسكەري شيەلەنىستەر مەن ازىق-ت ۇلىك جەتىسپەۋشىلىگىنەن 23 ميلليونعا جۋىق ادام اشارشىلىققا ۇشىراعان.
ادام ولىمىنە اكەلگەن بۇل جاعدايعا اتالعان ەلدەردەگى ەكونوميكالىق تۇراقسىزدىق, اۋا رايى انومالياسى مەن ميگراتسيا سەبەپ بولعان. سونىمەن قاتار اۋىل شارۋاشىلىعىنداعى مال مەن ەگىننىڭ تومەندەۋىنەن ازىق-ت ۇلىك باعاسى كۇرت قىمباتتاعان.
بۇۇ ازىق-ت ۇلىك جانە اۋىل شارۋاشىلىعى ۇيىمىنىڭ مالىمەتى بويىنشا, ەفيوپيا, كەنيا, سومالي, وڭتۇستىك سۋدان, ۋگاندا مەن تانزانيادا سوڭعى جىلدا ازىق-ت ۇلىك باعاسى رەكوردتىق دەڭگەيگە جەتكەن. تەك وڭتۇستىك سۋداندا عانا باعا 4 ەسە ارتقان.