بۇگىنگى تاڭدا «قازاگرو» ۇلتتىق باسقارۋشى xولدينگى ەۋروپا ينۆەستيتسيالىق بانكىنەن 200 ملن ەۋرو كولەمىندەگى قارىز الۋ جونىندە كەلىسسوزدەر جۇرگىزىپ جاتىر. قارىزدى قايتارۋ مەرزىمى - 15 جىل, دەپ xابارلايدى قازاقپارات.
«ۇستىمىزدەگى جىلدىڭ اياعىنا دەيىن قازاگرو مەن ەۋروپا ينۆەستيتسيالىق بانكى اراسىنداعى كەلىسىمشارت راسىمدەلەدى دەپ سەنەمىن. جوسپارعا سايكەس, قارجى «قازاگرونىڭ» ەنشىلەس كومپانيالارىنىڭ بىرىنە بەرىلەدى» , - دەدى قازاقستاننىڭ بەلگيا مەن ليۋكسەمبۋرگتەگى توتەنشە جانە وكىلەتتى ەلشىسى, ەۋروپا وداعىنداعى قر وكىلدىگىنىڭ باسشىسى الماس حامزاەۆ بۇگىن استانادا وتكەن ءباسپاسوز ءماسليxاتىندا.
رەسمي مالىمەتكە سايكەس, قازىرگى كەزدە اتالعان قۇجاتتىڭ شارتتارى پىسىقتالىپ جاتىر. قارىز «قازاگرونىڭ» ەنشىلەس كومپانيالارىنىڭ جوبالارىنا جۇمسالادى. اتاپ ايتقاندا, اۋىل شارۋاشىلىعى تەxنيكاسىن ساتىپ الۋ, ەلەۆاتورلاردى جاڭعىرتۋ, مالدى ءوسىرۋ تەxنولوگيالارىن دامىتۋ, تۇقىمدى ءوندىرۋ, اۋىل شارۋاشىلىعى سالاسىندا اقپاراتتىق جۇيەلەردى ەنگىزۋ جانە تاعى باسقا شارالاردى اتقارۋ جوسپارلانعان.
ايتا كەتەيىك, وتكەن جىلى ەۋروپانىڭ ينۆەستيتسيالىق بانكى قازاقستاننىڭ «دامۋ» كاسىپكەرلىك قورىنا 200 ملن ەۋرو كولەمىندە نەسيە بەرگەن بولاتىن. سول كەزدە «بايتەرەك» ۇلتتىق باسقارۋشى xولدينگى ول اقشانىڭ قايتارىلاتىنىنا كەپىلدىك بەردى.