استانادا بيىل 1 مامىرعا دەيىن قالالىق احۋال ورتالىعى قۇرىلادى. بۇل تۋرالى اكىمدىكتە كەڭەيتىلگەن جۇمىس ماجىلىسىندە بەلگىلى بولدى. باستى تاقىرىبى - قالاداعى جايلىلىق پەن قاۋىپسىزدىكتى قامتاماسىز ەتۋ, دەپ حابارلادى astana.gov.kz.
شاراعا قر باس پروكۋرورى جاقىپ اسانوۆ, استانا اكىمى اسەت يسەكەشەۆ, سونداي-اق ورتالىق مەملەكەتتىك ورگاندار, بارلىق ۆەدومستۆولار, قالا اكىمشىلىگىنىڭ قۇرىلىمدىق بولىمشەلەرى, پروكۋراتۋرا, ءىىد, ۇلتتىق قاۋىپسىزدىك ورگاندارىنىڭ باسشىلارى قاتىستى.
«استانانىڭ جايلىلىعى مەن قاۋىپسىزدىگى» جوسپارى ەلوردا تۇرعىندارى مەن قوناقتارىنىڭ جايلى ءومىر سۇرۋىنە قاۋىپسىزدىكتىڭ ستاندارتتارىن ارتتىرۋ ءۇشىن ازىرلەندى. قۇجات 172 شارا مەن ەكى ءبولىمدى («قاۋىپسىزدىك» جانە «جايلىلىق») قامتيدى. ءبىرىنشى بولىمگە قوعامدىق قاۋىپسىزدىكتى قامتاماسىز ەتۋ, تج جول بەرمەۋ, سونىڭ سالدارىنا ازىرلىك, ەكونوميكالىق قاۋىپسىزدىك جاتادى. ەكىنشى ءبولىم – سەرۆيسكە, ءومىر ساپاسىنا قاناعاتتانۋ, تۋريستىك جايلىلىق. بۇگىندە تولىقتاي 19 تارماق ورىندالدى, قالعان 99 شارا ىسكە اسىرۋ ساتىسىندا.
تاراپتار قالاداعى بىرقاتار ماسەلەلەردى تالقىلادى. قالا باسشىسى ءتيىستى مينيسترلىكتەر مەن ۆەدومستۆولار تاراپىنان شەشىم قابىلداۋدى قاجەت ەتەتىن ءار بلوك بويىنشا ناقتى ۇسىنىستار ەنگىزدى.
اكىمنىڭ ايتۋىنشا, 2017 جىلعى 1 مامىرعا دەيىن پروبلەمالاردى وڭتايلاندىرۋ جانە شەشۋ ءۇشىن ەلوردانىڭ ءىىد باس وپەراتسيالىق ورتالىعىنىڭ جۇمىسىمەن ينتەگراتسيالانعان قالالىق احۋال ورتالىعىن قۇرادى. جىل اياعىنا دەيىن كۇللى قالا بويىنشا پوليتسيا قىزمەتكەرلەرىنە جانە قالالىق قىزمەتتەرگە ارنالعان 10 مىڭ كامەرا ورناتىلادى.
شارا قورىتىندىسى بويىنشا تاراپتار ارنايى بىرلەسكەن جوبالىق كەڭسە قۇرۋ تۋرالى ۋاعدالاستى. اتالعان كەڭسە ساراپشىلاردىڭ قاتىسۋىمەن جانە جوعارىدا اتالعان ماسەلەلەر بويىنشا حالىقپەن تالقىلاۋلار وتكىزۋ ارقىلى تۇراقتى نەگىزدە جۇمىس ىستەيتىن بولادى.