جامبىل وبلىسىنىڭ باسشىسى كارىم كوكىرەكباەۆتىڭ 2017 جىلعى 2 ناۋرىزداعى №66 وكىمىمەن راحمانبەرديەۆ ءراحماتىلدا سەگىزباي ۇلى بايزاق اۋدانىنىڭ اكىمى بولىپ تاعايىندالدى, دەپ حابارلادى اكىمدىكتىڭ ءباسپاسوز قىزمەتى.
راحمانبەرديەۆ ءراحماتىلدا سەگىزباي ۇلى 1956 جىلى تۋعان, ۇلتى قازاق, ءبىلىمى جوعارى, 1979 جىلى الماتى حالىق شارۋاشىلىعى ينستيتۋتىن «اۋىل شارۋاشىلىعىن جوسپارلاۋ» ماماندىعى بويىنشا بىتىرگەن. ەڭبەك جولىن 1979 جىلى لۋگوۆوي اۋدانى لۋگوۆوي جىلقى زاۋىتىندا اعا ەكونوميست بولىپ باستاعان.
1981-1983 جىلدارى لۋگوۆوي جىلقى زاۋىتى كومسومول كوميتەتىنىڭ حاتشىسى, 1983-1987 جىلدارى جامبىل وبلىستىق كومسومول كوميتەتىندە لەكتورلىق توپ مەڭگەرۋشىسى, ءبولىم مەڭگەرۋشىسى, 1987-1991 جىلدارى قازاقستان كومپارتياسىنىڭ جامبىل وبلىستىق كوميتەتىندە لەكتور, كونسۋلتانت, 1991-1997 جىلدارى بيزنەس قۇرىلىمدارىندا باسشى لاۋازىمدارىندا جۇمىس ىستەدى.
1997-2006 جىلدارى لۋگوۆوي اۋداندىق ەكونوميكا باسقارماسىنىڭ باستىعى, ت.رىسقۇلوۆ اۋدانى اكىمىنىڭ ورىنباسارى, 2006-2010 جىلدارى جامبىل وبلىسى اكىمى اپپاراتى باسشىسىنىڭ ورىنباسارى, 2010-2013 جىلدارى جامبىل وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى, 2013-2017 جىلدارى جامبىل وبلىسى اكىمى اپپاراتىنىڭ باسشىسى قىزمەتتەرىن اتقارعان.