داريعا نازارباەۆانىڭ تورايىمدىعىمەن پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ مۇشەلەرى قازاقستان رەسپۋبليكاسىنىڭ 2012-2016 جىلدارعا ارنالعان ۇلتتىق قاۋىپسىزدىك ستراتەگياسىن ىسكە اسىرۋ بويىنشا مۇددەلى مەملەكەتتىك ورگاندارمەن كەزدەستى.
ۇلتتىق قاۋىپسىزدىك ستراتەگياسىن تالقىلاۋعا ۇلتتىق ەكونوميكا ءمينيسترى ت.سۇلەيمەنوۆ, سىرتقى ىستەر ءمينيسترىنىڭ ورىنباسارى ە.اشىقباەۆ, قورعانىس ءمينيسترىنىڭ ءبىرىنشى ورىنباسارى, گەنەرال-لەيتەنانت M.Mايكەەۆ, ۇلتتىق قاۋىپسىزدىك كوميتەتى توراعاسىنىڭ ورىنباسارى د.ءدىلمانوۆ, سونداي-اق ەڭبەك جانە حالىقتى الەۋمەتتىك قورعاۋ, ءدىن ىستەرى جانە ازاماتتىق قوعام, دەنساۋلىق ساقتاۋ, ءبىلىم جانە عىلىم, ەنەرگەتيكا, قورعانىس جانە اەروعارىش مينيسترلىكتەرىنىڭ وكىلدەرى قاتىستى.
كەزدەسۋگە قاتىسۋشىلاردىڭ پىكىرىنشە, قازىرگى الەمدە مەملەكەتتىڭ قاۋىپسىزدىك ماسەلەلەرى تۇبەگەيلى جاڭا سيپاتقا يە بولدى. تاۋەلسىزدىك جىلدارىندا, مەملەكەتتىڭ ۇلتتىق قاۋىپسىزدىكتى قامتاماسىز ەتۋدەگى مۇقيات جانە ماقساتتى ءىس-ارەكەتتەرىنىڭ ارقاسىندا ەلىمىزدە ۇلتتىق قاۋىپسىزدىكتى قامتاماسىز ەتۋدىڭ ءتيىمدى تەتىگى جاسالدى, مەملەكەت قىزمەتىنىڭ وسى سالاداعى نەگىزگى باعىتتارىن ايقىندايتىن تۇجىرىمدامالىق قۇجاتتار ازىرلەندى.
د.نازارباەۆا, سونداي-اق سەناتورلار ن.ابىقاەۆ, ي.ادىربەكوۆ, س.جاقسىبەكوۆ, ل.قيىنوۆ, گ.كيم مەملەكەتتىك ورگانداردىڭ وسى باعىتتاعى جۇمىسىن جەتىلدىرە تۇسۋگە قاتىستى ۇسىنىستارىن ايتتى, دەپ حابارلادى پارلامەنت سەناتىنىڭ ءباسپاسوز قىزمەتى.