2017 جىلعى 27 اقپاندا ادىلەت ورگاندارىندا «استانا قالاسى جەڭىل اتلەتيكا فەدەراتسياسى» قوعامدىق بىرلەستىگى مەملەكەتتىك تىركەۋدەن ءوتتى. بۇل تۋرالى ۇيىمنىڭ ءباسپاسوز قىزمەتىنەن حابارلادى.
اتاپ وتىلگەندەي, 2017 جىلعى 16 اقپاندا وتكەن قۇرىلتاي كونفەرەنتسيانىڭ ءبىراۋىزدى شەشىمىمەن قايتا قۇرىلعان استانا قالاسى جەڭىل اتلەتيكا فەدەراتسياسىنىڭ پرەزيدەنتى بولىپ ەرعالي ەگەمبەردى سايلاندى.
«استانا جەڭىل اتلەتيكا فەدەراتسياسى جۇمىسىنىڭ نەگىزگى ماقساتى حالىق, اسىرەسە جاستار اراسىندا جەڭىل اتلەتيكانى جانە سالاۋاتتى ءومىر سالتىن ناسيحاتتاۋ بولىپ تابىلادى. قىزمەتتىڭ جەكە باعىتى سپورتشىلاردى جارىسقا دايىنداۋ بويىنشا قاجەتتى جاعدايلاردى جاساۋ بولماق», - دەدى ەرعالي ەگەمبەردى.
ايتا كەتەيىك, قالالىق جانە وبلىستىق فەدەراتسيالاردىڭ قىزمەتىن ۇيلەستىرۋدى قر جەڭىل اتلەتيكا فەدەراتسياسى جۇزەگە اسىرادى.