ىرىكتەۋ تۋرىنىڭ ناتيەسى بويىنشا «ايالاعان استانا-2017» V رەسپۋبليكالىق تەلەۆيزيالىق بالالار بايقاۋىنىڭ فينالىنا 12 قاتىسۋشى ءوتتى. قاتىسۋشىلار ەلىمىزدىڭ ءار قالاسىنان كەلەدى.
«ايالاعان استانا» كونكۋرسىنىڭ ىرىكتەۋ كەزەڭى 1 قاڭتار مەن 15 اقپان اراسىندا وتكەن بولاتىن. كەلىپ تۇسكەن 300 ءوتىنىمنىڭ ىشىنەن فيناليستەردى باس پروديۋسەر لينا اريفۋلينا باستاعان كوميسسيا انىقتادى. كانديداتتاردىڭ ۆيدەوجازبالارىن تىڭداۋ ناتيجەسىندە «ايالاعان استانا» كونكۋرسىنىڭ فينالىنا كەلەسى كونكۋرسقا قاتىسۋشىلار ءوتتى:
الىبەك ازامات (الماتى)
بەيبارىس ايتمۇعامبەتوۆ (اقمولا وبلىسى, ەرەيمەنتاۋ ق.)
ءمادي امانباەۆ (جەزقازعان)
ارايلىم بەرىك (قىزىلوردا)
كارينا بولات (استانا)
ايدانا جالەلوۆا (سەمەي)
ءامينا جاپار (سقو, تايىنشا ق.)
يليا كوشيكوۆ (قاراعاندى)
توميريس ماراتقىزى (استانا)
الان مەرعالي (ورال)
ايالان مۇقانوۆ (قوستاناي)
لۋيزا نۇرقۋاتوۆا (اقتاۋ)
ەندى كوكتەمگى دەمالىس كۇندەرى سايىسكەرلەر استانا قالاسىنا كەلىپ, ءبىر اپتا بويى كونكۋرستىڭ اقتىق كەزەڭىنە دايىندالادى. ال 2 ساۋىردە «قازاقستان» تەلەارناسىنىڭ تىكەلەي ەفيرىندە وتەتىن اقتىق شوۋدا ونەر كورسەتەدى. «ايالاعان استانا-2017» بايقاۋىنىڭ جەڭىمپازى – حالىقارالىق «دەتسكايا نوۆايا ۆولنا» بايقاۋىندا رەسپۋبليكامىزدىڭ نامىسىن قورعاۋ مۇمكىندىگىنە يە بولادى. گران-پري يەگەرىن تەك قازىلار القاسى باعالاپ قويماي, «قازاقستان» تەلەارناسىنىڭ كورەرمەندەرى دە سمس-داۋىس بەرۋ ارقىلى تاڭدايدى.
«ايالاعان استانا» بايقاۋى بەس جىل قاتارىنان قازاقستاننىڭ تۇپكىر-تۇپكىرىنەن تالانتتى بالالارعا وزدەرىنىڭ ۆوكالدىق دارىنىن كورسەتۋگە جانە ەڭ مىقتىلارمەن ورىنداۋشىلىق شەبەرلىكتەرىمەن سايىسۋعا مۇمكىندىك بەرەدى. بايقاۋعا 7-13 جاس ارالىعىنداعى بالالار قاتىسا الادى.