ەلىمىزدە جىل باسىنان بەرى تاۋار مەن قىزمەتتەر قانشاعا قىمباتتاعانى انىقتالدى

2017 جىلعى قاڭتار-اقپاندا قازاقستاندا ينفلياتسيا 1,8 پايىز بولدى, دەپ حابارلادى قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتى. ايتۋلارىنشا, باعا ازىق-ت ۇلىك تاۋارلارىنا اعىمداعى جىلعى ەكى ايدا (2017 جىلعى اقپان 2016 جىلعى جەلتوقسانعا) 2,6 پايىز, ازىق-ت ۇلىك ەمەس تاۋارلارىنا - 1,3 پايىز, اقىلى قىزمەتتەرگە - 1,2 پايىزعا وسكەن. وسى جىلدىڭ باسىنان (2017 جىلعى اقپان 2016 جىلعى جەلتوقسانعا) باعانىڭ ءوسۋى كارتوپقا 15 پايىز, جاڭادان جينالعان كوكونىستەرگە - 13,9 پايىز, سيىر ەتىنە - 5,3 پايىز, سارى مايعا - 4,3 پايىز, قوي ەتىنە - 4,2 پايىز, جاڭادان جينالعان جەمىستەرگە - 3,3 پايىز, جىلقى ەتىنە - 2,7 پايىز, مايەكتى ىرىمشىككە - 2,2 پايىزعا, كوسەرۆىلەنگەن سۇتكە, نانعا - 2,1 پايىزدان بەلگىلەندى. باعانىڭ تومەندەۋى جۇمىرتقاعا 4,7 پايىز, قانتقا - 3,2 پايىز, قاراقۇمىق جارماسىنا - 1 پايىزعا تىركەلدى. ال اۆتوموبيلدەرگە باعا ءوسىمى 2,2 پايىز, شىنى جانە قىشتان جاسالعان ونىمدەرگە - 2 پايىزعا, فارماتسەۆتيكالىق ونىمدەرگە, جۋعىش جانە تازالاعىش قۇرالدارعا - 1,4 پايىزدان, گازەتتەر, كىتاپتار جانە كەڭسە تاۋارلارىنا - 1,3 پايىزعا, جيھاز جانە ۇيگە قاجەتتى زاتتارعا, توقىما بۇيىمدارىنا, جەكە قولداناتىن تاۋارلارعا - 1,2 پايىزدان, تۇرمىستىق اسپاپتارعا - 1 پايىزدى قۇرادى. بەنزين 4,3 پايىز, باللونداعى سۇيىتىلعان گاز - 4,2 پايىزعا قىمباتتادى. "باعا دەڭگەيى قۇقىق قىزمەتتەرىنە 7 پايىز, كولiك قۇرالدارىن ساقتاندىرۋ - 6,8 پايىز, دەنساۋلىق ساقتاۋ - 2,3 پايىز, دەمالىس, ويىن-ساۋىق جانە مادەنيەت سالاسىنداعى - 1,4 پايىزعا ءوستى. قالاارالىق اۆتوبۋسپەن جول ءجۇرۋ اقىسى 2,7 پايىزعا قىمباتتادى, ال جولاۋشىلاردىڭ اۋە كولىگىمەن - 9,1 پايىز, تەمىر جول كولىگىمەن - 0,3 پايىزعا ارزاندادى. تۇرعىن ءۇي-كوممۋنالدىق قىزمەتتەر سالاسىندا تاريفتەر كارىزگە 6,8 پايىز, تاراتۋ جەلىلەرى ارقىلى تاسىمالداناتىن گازعا - 4,2 پايىز, ورتالىقتان جىلىتۋعا -2,4 پايىزعا, ەلەكتر ەنەرگياسىنا, ىستىق سۋعا - 2,3 پايىزدان, سۋىق سۋعا -2,2 پايىزعا جوعارىلادى", - دەلىنگەن ۆەدومستۆو حابارىندا.