2017 جىلدىڭ اقپان ايىندا اقش دوللارىنا شاققانداعى تەڭگەنىڭ باعامى 3,5 پايىزعا نىعايدى. ال جىل باسىنان بەرى 6,2 پايىزعا كوتەرىلدى. جالپى, اقپان ايىنىڭ سوڭىنداعى تەڭگەنىڭ باعامى 2015 جىلدىڭ جەلتوقسانىنىڭ ەكىنشى جارتىسىنان بەرگى ماكسيمالدى كورسەتكىش رەتىندە تىركەلدى. بۇل تۋرالى ۆاليۋتا نارىعىنىڭ اقپان ايىنداعى قورىتىندىسى تۋرالى بريفينگتە ۇلتتىق بانك توراعاسى دانيار اقىشەۆ مالىمدەدى.
«تەڭگەنىڭ نىعايۋىنا ءبىرىنشى كەزەكتە مۇناي باعاسىنىڭ كوتەرىلۋى اسەر ەتتى. قازىر مۇناي باعاسى 55 دوللاردان اسىپ, سول دەڭگەيگە تۇراقتادى. جالپى, مۇنايدىڭ قىمباتتاۋىنا وپەك ۇيىمى مەن وعان كىرمەيتىن وزگە دە مۇناي ەكسپورتتاۋشى ەلدەرىنىڭ ءوندىرىستى ازايتۋ تۋرالى كەلىسىمى تۇرتكى بولدى", - دەدى باس بانكير.
سونىمەن قاتار باس بانك باسشىسى اقپاننىڭ ەكىنشى جارتىسىندا شەتەلدىك ۆاليۋتاعا سۇرانىس پەن ۇسىنىستىڭ كورسەتكىشى دە تەڭەسكەنىن ايتتى. دەگەنمەن, بۇل ۋاقىتشا نارسە عانا ەكەنى دە ايتىلدى.
«ەكسپورتتاۋشى كاسىپورىندار ۆاليۋتالىق تابىستارىنىڭ ءبىر بولىگىن سالىق تولەۋگە جۇمسادى. بۇل ءوز كەزەگىندە شەتەلدىك ۆاليۋتا سۇرانىسىن ارتتىردى. ناتيجەسىندە تەڭگە تاعى نىعايا ءتۇستى. ال "سالىق اپتاسىنىڭ" اياقتالۋىمەن اقپان سوڭىندا تەڭگە ازداپ السىرەدى. ناۋرىز ايىندا دا بۇل قايتالانۋى مۇمكىن. دەگەنمەن, تەڭگەنىڭ قۇلدىراۋىنان مۇنايدىڭ قىمباتتاۋى ساقتايدى", - دەدى اقىشەۆ.