قر مادەنيەت جانە سپورت مينيسترلىگىندە تۋريزم يندۋسترياسى كوميتەتىن قۇرۋ تۋرالى ۇكىمەت قاۋلىسى شىقتى. بۇل تۋرالى قر ينۆەستيتسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ باسشىسى مارات يعاليەۆ جازدى.
«تۋريستىك قوعامداستىق پەن باق-تاردان تۇسكەن ساۋالدارعا بايلانىستى «قازاقستان رەسپۋبليكاسىنىڭ ۇكىمەتى تۋرالى» قازاقستان رەسپۋبليكاسىنىڭ 1995 جىلعى 18 جەلتوقسانداعى كونستيتۋتسيالىق زاڭىنىڭ 24-بابىنا جانە «قازاقستان رەسپۋبليكاسىنىڭ مەملەكەتتىك جۇيەسىن ودان ءارى باسقارۋ تۋرالى» قازاقستان رەسپۋبليكاسى پرەزيدەنتىنىڭ 2017 جىلعى 25 قاڭتارداعى №412 جارلىعىنا سايكەس «قازاقستان رەسپۋبليكاسى مادەنيەت جانە سپورت مينيسترلىگىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2017 جىلعى 22 اقپانداعى 185 قاۋلىسى شىققانىن حابارلايمىن», - دەلىنگەن حابارلامادا.
قۇجاتقا سايكەس, قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى مادەنيەت جانە سپورت مينيسترلىگى تۋريزم كوميتەتىن قايتا ۇيىمداستىراتىنىن قاۋلى ەتەدى. كەلتىرىلگەن مالىمەتكە ساي, قازىرگى ۋاقىتتا قازاقستان رەسپۋبليكاسى مادەنيەت جانە سپورت مينيسترلىگى قر قارجى مينيسترلىگى مەملەكەتتىك م ۇلىك جانە جەكەشەلەندىرۋ كوميتەتى جانە قر ينۆەستيتسيالار جانە دامۋ مينيسترلىگىمەن بىرلەسىپ, بەلگىلەنگەن زاڭنامالىق تارتىپپەن وسى قاۋلى نەگىزىندە شارالاردى قابىلداۋدا.