زارەما شاۋكەنوۆا قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى بولىپ تاعايىندالدى, - دەپ حابارلايدى اقوردانىڭ ءباسپاسوز قىزمەتى.
"مەملەكەت باسشىسىنىڭ وكىمىمەن زارەما كاۋكەنقىزى شاۋكەنوۆا قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى قىزمەتىنە تاعايىندالدى", - دەلىنگەن حابارلامادا.
زارەما كاۋكەنقىزى شاۋكەنوۆا 1965 جىلى 29 قىركۇيەكتە شىمكەنت قالاسىندا دۇنيەگە كەلگەن. 1987 جىلى لەنينگرادتىڭ ا.ا. جدانوۆ اتىنداعى مەملەكەتتىك ۋنيۆەرسيتەتىن تامامداعان. الەۋمەتتانۋ عىلىمىنىڭ دوكتورى (22.00.04), پروفەسسور, قازاقستان الەۋمەتتانۋشىلارى قاۋىمداستىعىنىڭ ديرەكتورى, قازاقستان الەۋمەتتانۋشىلارى اكادەمياسىنىڭ اكادەميگى.
دوكتورلىق ديسسەرتاتسياسىنىڭ تاقىرىبى: «قازىرگى زامانعى قازاقستانداعى ەتنوستاردىڭ الەۋمەتتىك ءوزارا ارەكەتتەستىگى» ء(ال-فارابي اتىنداعى قازۇۋ, 2003 ج.).
2008-2010 جىلدارى ءال-فارابي اتىنداعى قازۇۋ-دا الەۋمەتتانۋ, پسيحولوگيا جانە پەداگوگيكا بويىنشا ديسسەرتاتسيالىق كەڭەستىڭ ءتورايىمى بولدى. الەۋمەتتانۋ عىلىمىنىڭ 1 دوكتورىن (تىنىشباەۆا ا.ا.) جانە 3 كانديداتىن دايىندادى. 2011 جىلدان باستاپ قر بعم عك فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى.
ەستەرىڭىزگە سالا كەتسەك, وسىعان دەيىن بۇل قىزمەتتە ەرلان قارين بولعان ەدى. ول تاياۋدا "قازاقستان" رترك" اق باسقارما توراعاسى قىزمەتىنە تاعايىندالعان بولاتىن.